ഇന്ത്യന്‍ ക്രിക്കറ്റ് ടീമിന്റെ ഒന്നാം റാങ്ക് പോകും, ഒപ്പം 3.43 കോടി രൂപയും!

ഇന്നത്തെ പോയിന്റ് ഇങ്ങനെ

ഐ സി സി റാങ്കിംഗില്‍ ഒന്നാം സ്ഥാനത്തുള്ള ഇന്ത്യയ്ക്ക് 110 പോയിന്റ്, രണ്ടാം സ്ഥാനത്തുള്ള ഓസ്‌ട്രേലിയയ്ക്ക് 109 പോയിന്റ്. നാളെ (ഫെബ്രുവരി 24) കളി ജയിച്ചാല്‍ സ്വാഭാവികമായും ഓസ്‌ട്രേലിയ മുന്നില്‍ കയറും.

1 മില്യണ്‍ ഡോളര്‍

ഐ സി സി റാങ്കിംഗില്‍ ഒന്നാം സ്ഥാനത്തുള്ള ടീമിന് കിട്ടുക 1 മില്യണ്‍ യു എസ് ഡോളറാണ്. രണ്ടാം സ്ഥാനത്തേക്ക് താഴ്ന്നാല്‍ ഇത് പകുതിയായി കുറയും.

ദക്ഷിണാഫ്രിക്കയ്ക്കും 109

മൂന്നാം സ്ഥാനത്തുള്ള ദക്ഷിണാഫ്രിക്കയ്ക്കും 109 പോയിന്റുണ്ട്. 110 പോയിന്റുള്ള ഇന്ത്യയ്ക്ക് രണ്ടാം സ്ഥാനം എന്തായാലും കിട്ടും. പാകിസ്താന്‍, ഇംഗ്ലണ്ട് ടീമുകളാണ് നാലും അഞ്ചും റാങ്കുകളില്‍.

കളിക്കാതെ കിട്ടിയത്

ഈ വര്‍ഷം ഒരു ടെസ്റ്റ് പോലും ഇന്ത്യ കളിച്ചിട്ടില്ല. ജനുവരിയില്‍ സൗത്താഫ്രിക്ക ഇംഗ്ലണ്ടിനോട് തോറ്റ് പോയിന്റ് നഷ്ടം വന്നപ്പോഴാണ് ഇന്ത്യ ഒന്നാം റാങ്കിലെത്തിയത്. ഇപ്പോളും കളി തോറ്റിട്ടല്ല ഇന്ത്യയുടെ ഒന്നാം റാങ്ക് പോകുന്നത്, ഓസ്‌ട്രേലിയ ജയിച്ചത് കൊണ്ടാണ്.