Click it and Unblock the Notifications
മല്‍സര സമയം മാറിയേക്കും
ഐപിഎല്ലിലെ മല്‍സര സമയത്തില്‍ വരുത്താനിടയുള്ള മാറ്റം തന്നെയാണ് ഇതില്‍ ഏറ്റവും പ്രധാനപ്പെട്ടത്. മുന്‍ സീസണുകളിലെല്ലാം മല്‍സരങ്ങള്‍ തുടങ്ങിയത് രാത്രി എട്ടു മണിക്കായിരുന്നു. എന്നാല്‍ പല മല്‍സരങ്ങളും വൈകി അവസാനിക്കുന്നത് താരങ്ങള്‍ക്കും കാണികള്‍ക്കുമെല്ലാം ബുദ്ധിമുട്ടായി തീര്‍ന്നിരുന്നു. ചില കളിക്കാര്‍ തന്നെ ഇക്കാര്യം തുറന്നു പറയുകയും ചെയ്തിട്ടുണ്ട്. ഇവയെല്ലാം കണക്കിലെടുത്ത് വരാനിരിക്കുന്ന സീസണിലെ മല്‍സരങ്ങള്‍ രാത്രി 7.30ന് ആരംഭിക്കുമെന്നാണ് സൂചനകള്‍.
അതേസമയം, മല്‍സരം നേരത്തേയാക്കുന്നതിനോടു ഫ്രാഞ്ചൈസികള്‍ക്കു അത്ര യോജിപ്പില്ല. വലിയ നഗരങ്ങളില്‍, പ്രത്യേകിച്ചും പ്രവര്‍ത്തി ദിവസങ്ങളില്‍ ജോലിയൊക്കെ കഴിഞ്ഞ് നേരത്തേ മല്‍സരം കാണാന്‍ സ്‌റ്റേഡിയത്തിലെത്തുകയെന്നത് ബുദ്ധിമുട്ടാണെന്നാണ് ഫ്രാഞ്ചൈസികളുടെ വാദം.
ഒരു ദിവസം രണ്ടു കളിയില്ല
ശനി, ഞായര്‍ ദിവസങ്ങളില്‍ മുന്‍ സീസണുകളിലെല്ലാം രണ്ടു മല്‍സരങ്ങള്‍ നടത്തിയിരുന്നു. ഇതും പുതിയ സീസണില്‍ ഉണ്ടായേക്കില്ല. ഒരു ദിവസം ഇനിയൊരു കളി മാത്രം മതിയെന്നാണ് സംഘാടകര്‍ തീരുമാനിച്ചിരിക്കുന്നതെന്നാണ് റിപ്പോര്‍ട്ട്.
മുന്‍ സീസണുകളില്‍ വൈകീട്ട് നാലു മണിക്ക് ആരംഭിച്ചിരുന്ന മല്‍സരങ്ങള്‍ പുതിയ സീസണില്‍ ഉണ്ടാവാനിടയില്ല. വൈകീട്ടുള്ള മല്‍സരങ്ങള്‍ക്കായി സ്റ്റേഡിയത്തിലെത്തുന്ന കാണികളുടെ എണ്ണം കുറവാണെന്നതാണ് ഇതിന്റെ പ്രധാന കാരണങ്ങളിലൊന്ന്. കൂടാതെ വൈകീട്ട് മല്‍സരം നടത്തുന്നതില്‍ ബ്രോഡ്കാസ്റ്റര്‍മാര്‍ക്കും താല്‍പ്പര്യം കുറവാണ്.
57 ദിവസത്തിലധികം നീണ്ടുനില്‍ക്കും
ഐപിഎല്ലിന്റെ വരാനിരിക്കുന്ന സീസണ്‍ 57 ദിവസത്തില്‍ കൂടുതല്‍ നീണ്ടുനില്‍ക്കുന്നതായിരിക്കുമെന്നാണ് ഔദ്യോഗിക വൃത്തങ്ങളില്‍ നിന്നു ലഭിക്കുന്ന സൂചനകള്‍. വരാനിരിക്കുന്ന സീസണില്‍ ഒരു ദിവസം രണ്ടു കളികളെന്ന ഫോര്‍മാറ്റ് എടുത്തു കളയുന്നതാണ് ടൂര്‍ണമെന്റിന്റെ ദൈര്‍ഘ്യം കൂടാനുള്ള പ്രധാന കാരണം,
