ഡു ഓര്‍ ഡൈ.. കിവികളെ പിടിക്കാന്‍ ഇന്ത്യയിറങ്ങി, ന്യൂസിലന്‍ഡിന് ബാറ്റിങ്

പൂനെ: ഇന്ത്യയും ന്യൂസിലന്‍ഡും തമ്മിലുള്ള നിര്‍ണായകമായ രണ്ടാം ഏകദിന ക്രിക്കറ്റ് മല്‍സരം പൂനെയില്‍ തുടങ്ങി. ആദ്യ മല്‍സരത്തില്‍ കനത്ത പരാജയമേറ്റുവാങ്ങിയതിനാല്‍ ഈ മല്‍സരം ഇന്ത്യയെ സംബന്ധിച്ചിടത്തോളം ജീവന്‍മരണപോരാട്ടമാണ്. തോറ്റാല്‍ മൂന്നു മല്‍സരങ്ങളുടെ പരമ്പര ഇന്ത്യക്കു നഷ്ടമാവും.

രണ്ടാം ഏകദിനത്തില്‍ ടോസ് ലഭിച്ച ന്യൂസിലന്‍ഡ് ബാറ്റിങ് തിരഞ്ഞെടുത്തു. ഒന്നാം ഏകദിനത്തില്‍ കളിച്ച അതേ ടീമിനെ ന്യൂസിലന്‍ഡ് നിലനിര്‍ത്തിയപ്പോള്‍ ഒരു മാറ്റവുമായാണ് ഇന്ത്യയിറങ്ങിയത്. കുല്‍ദീപ് യാദവിനു പകരം അക്ഷര്‍ പട്ടേല്‍ പ്ലെയിങ് ഇലവനിലെത്തി.