ഇന്ത്യയുടെ മുന് ഇതിഹാസ ഓള്റൗണ്ടര് യുവരാജ് സിങിന്റെ ഉപദേശമാണ് സെഞ്ച്വറി കുറിക്കാന് തന്നെ സഹായിച്ചതന്നു വെളിപ്പെടുത്തിയിരിക്കുകയാണ് ഗില്. നേരത്തേ ഇന്ത്യയുടെ യുവ വിക്കറ്റ് കീപ്പര് റിഷഭ് പന്തിനെയും ഏകദിനത്തിലെ കന്നി സെഞ്ച്വറി നേടാന് യുവി സഹായിച്ചിരുന്നു.
സിംബാബ്വെയുമായുള്ള അവസാന മല്സരത്തിനു ശേഷം ടീമംഗമായ ഇഷാന് കിഷനുമായി സംസാരിക്കവെയാണ് സെഞ്ച്വറിക്കു പിന്നിലെ രഹസ്യം ശുഭ്മാന് ഗില് വെളിപ്പെടുത്തിയത്.
സിംബാബ്വെയിലേക്കു വരുന്നതിനു മുമ്പ് ഞാന് യുവരാജ് സിങിനെ കണ്ടിരുന്നു. ക്രീസില് നിലയുറപ്പിച്ചു കഴിഞ്ഞാല് നന്നായി മുന്നോട്ടു പോവാന് അദ്ദേഹം ഉപദേശിക്കുകയും ചെയ്തു. സെഞ്ച്വറി നേടാന് സാധിക്കുന്നില്ലെന്നു ഞാന് പരാതി പറഞ്ഞപ്പോള് ഉടന് അതിനു കഴിയുമെന്ന് യുവരാജ് ഉറപ്പ് നല്കിയിരുന്നതായും ഗില് വെളിപ്പെടുത്തി.
Asia Cup 2022: പഴയ കോലിയാവാന് എന്തു ചെയ്യണം? താളം വീണ്ടെടുക്കാന് ബ്രേക്ക് സഹായിക്കുമോ?
സെഞ്ച്വറിക്കു ശേഷം ഏറെ സന്തോഷം തോന്നുന്നു. ബാറ്റ് ചെയ്യാന് വളരെ നല്ല വിക്കറ്റായിരുന്നു ഇത്. എനിക്കു ക്രീസില് നല്ല കൂട്ട് ലഭിച്ചത് ഭാഗ്യമായിട്ടാണ് കാണുന്നത്. ഭാഗ്യവും എനിക്കൊപ്പം നിന്നിരുന്നു. അവസരം പരമാവധി പ്രയോജനപ്പെടുത്തുകയെന്നത് എന്നെ സംബന്ധിച്ച് വളരെ പ്രധാനമായിരുന്നു. അതിനു കഴിഞ്ഞതില് താന് വളരെയധികം സന്തോഷവാനാണെന്നും ശുഭ്മാന് ഗില് കൂട്ടിച്ചേര്ത്തു.
ആഭ്യന്തര ക്രിക്കറ്റില് ഞാന് നിന്നോടൊപ്പം നേരത്തേ ബാറ്റ് ചെയ്തിട്ടുള്ളതിനാല് തന്നെ ഒരുമിച്ചുള്ള ബാറ്റിങ് നന്നായി ആസ്വദിച്ചു. നീ ഗ്രൗണ്ടില് വളരെ വിവേകമുള്ളയാളാണ്. അതിനാല് ഞാന് വളരെയധികം സന്തോഷവാനുമാണ്. നിന്റെ കൂടെ ബാറ്റ് ചെയ്തത് ഭാഗ്യമായിട്ടാണ് ഞാന് കാണുന്നത്.
ഇനി മൂന്ന് ഫോര്മാറ്റിലും ഇന്ത്യയെ ആര് നയിക്കും?, റിഷഭ് വേണ്ട!, അവന് ബെസ്റ്റ്-സാബ കരീം
പക്ഷെ നിര്ഭാഗ്യവശാല് ഞാന് റണ്ണൗട്ടാവുരയായിരുന്നുവെന്നും ശുഭ്മാന് ഗില്ലിനോടു ഇഷാന് കിഷന് പറഞ്ഞു. തന്റെ ഭാഗത്തു നിന്നുണ്ടായ പിഴവാണ് റണ്ണൗട്ടില് കലാശിച്ചതെന്നു സമ്മതിച്ച ഗില് ക്ഷമ ചോദിക്കുകയും ചെയ്തു. അതു പൂര്ണമായും തന്റെ പിശകായിരുന്നുവെന്നും വ്യക്തമാക്കി.