Click it and Unblock the Notifications
അഭിമന്യു ഈശ്വരന്‍
ഇന്ത്യ ടെസ്റ്റില്‍ വേണ്ടവിധത്തില്‍ ഉപയോഗിക്കാത്ത താരമാണ് അഭിമന്യു ഈശ്വരന്‍. ഗംഭീര റെക്കോഡാണ് ആഭ്യന്തര ക്രിക്കറ്റില്‍ താരത്തിന്റെ പേരിലുള്ളത്. 77 ഫസ്റ്റ്ക്ലാസ് ക്രിക്കറ്റില്‍ നിന്ന് 44.41 ശരാശരിയില്‍ 5419 റണ്‍സാണ് ഈശ്വരന്‍ നേടിയത്. 27കാരനായ താരം 78 ലിസ്റ്റ് എ ക്രിക്കറ്റില്‍ നിന്ന് 46.24 ശരാശരിയില്‍ 3376 റണ്‍സും നേടിയിട്ടുണ്ട്. ബംഗ്ലാദേശില്‍ ഇന്ത്യ എ ടീമിനൊപ്പം തകര്‍പ്പന്‍ പ്രകടനമാണ് ഈശ്വരന്‍ കാഴ്ചവെക്കുന്നത്. ആദ്യ ടെസ്റ്റില്‍ 141 റണ്‍സ് നേടിയ താരം രണ്ടാം മത്സരത്തിലും സെഞ്ച്വറി സ്വന്തമാക്കി. ഓപ്പണറെന്ന നിലയില്‍ തിളങ്ങുന്ന താരമാണ് ഈശ്വരന്‍. അതുകൊണ്ട് തന്നെ രോഹിത് ശര്‍മയുടെ അഭാവത്തില്‍ ഇന്ത്യക്ക് യുവതാരത്തെ പരിഗണിക്കാവുന്നതാണ്.
Also Read: IND vs BAN: ഇന്ത്യക്ക് പിഴച്ചതെവിടെ? ആദ്യ മത്സരത്തിലെ അതേ കാരണം! ചൂണ്ടിക്കാട്ടി രോഹിത്
ഹനുമ വിഹാരി
ഇന്ത്യയുടെ സൂപ്പര്‍ ടെസ്റ്റ് താരമാണ് ഹനുമ വിഹാരി. വിദേശ പിച്ചുകളില്‍ അപാരമായ പ്രകടനം കാഴ്ചവെക്കാന്‍ വിഹാരിക്ക് കഴിവുണ്ട്. 105 ഫസ്റ്റ്ക്ലാസ് ക്രിക്കറ്റില്‍ നിന്ന് 8110 റണ്‍സാണ് വിഹാരിയുടെ പേരിലുള്ളത്. 55.17 ശരാശരിയിലാണ് അദ്ദേഹത്തിന്റെ പ്രകടനം. 29കാരനായ താരം 42.46 ശരാശരിയില്‍ 3397 റണ്‍സും ലിസ്റ്റ് എ ക്രിക്കറ്റില്‍ നേടിയിട്ടുണ്ട്. ഇതിനോടകം ഇന്ത്യക്കായി കളിക്കാന്‍ വിഹാരിക്ക് സാധിച്ചിട്ടുണ്ട്.
16 മത്സരത്തില്‍ നിന്ന് 33.56 ശരാശരിയില്‍ 839 റണ്‍സാണ് വിഹാരിയുടെ പേരിലുള്ളത്. മധ്യനിരയിലാണ് താരം ഇന്ത്യക്കായി കൂടുതല്‍ കളിച്ചത്. ഓപ്പണറെന്ന നിലയില്‍ കളിപ്പിക്കാന്‍ സാധ്യതയില്ലെങ്കിലും മൂന്നാം നമ്പറിലേക്ക് പരിഗണിക്കാന്‍ സാധിക്കുന്ന താരമാണ് വിഹാരി. കൗണ്ടി ക്രിക്കറ്റില്‍ 1094 റണ്‍സുമായി താരം തിളങ്ങിയിരുന്നു. 109.40 ശരാശരിയിലായിരുന്നു വിഹാരി മിന്നിച്ചത്. ബംഗ്ലാദേശില്‍ ഇന്ത്യ വിഹാരിയെ തഴഞ്ഞത് നേരത്തെ തന്നെ വിമര്‍ശനം നേരിട്ടിരുന്നു. അതുകൊണ്ട് തന്നെ രോഹിത്തിന് പകരക്കാരനായി വിഹാരിയെ ഇന്ത്യ പരിഗണിച്ചേക്കും.
മായങ്ക് അഗര്‍വാള്‍
ഓപ്പണറെന്ന നിലയില്‍ മികച്ച റെക്കോഡുള്ള മായങ്ക് അഗര്‍വാളിനെയും ഇന്ത്യക്ക് ടീമിലേക്ക് പരിഗണിക്കാവുന്നതാണ്. 31കാരനായ മായങ്കിനെ ഇന്ത്യ ഇപ്പോള്‍ കാര്യമായി അവസരം നല്‍കുന്നില്ല. 81 ഫസ്റ്റ്ക്ലാസ് ക്രിക്കറ്റില്‍ നിന്ന് 43.36 ശരാശരിയില്‍ 5854 റണ്‍സാണ് മായങ്ക് നേടിയത്. ലിസ്റ്റ് എ ക്രിക്കറ്റില്‍ 98 മത്സരത്തില്‍ നിന്ന് 45.70 ശരാശരിയില്‍ 4296 റണ്‍സും മായങ്കിന്റെ പേരിലുണ്ട്. ഇന്ത്യക്കായി 21 ടെസ്റ്റ് കളിച്ച് 1488 റണ്‍സാണ് മായങ്ക് നേടിയത്. 41.33 എന്ന മികച്ച ശരാശരിയും അദ്ദേഹത്തിനുണ്ട്. രോഹിത്തിന്റെ അഭാവത്തില്‍ മായങ്കിന് ഇന്ത്യ അവസരം നല്‍കാന്‍ സാധ്യതകളേറെയാണ്. എന്നാല്‍ സമീപകാലത്തെ മോശം ഫോം പരിഗണിക്കുമ്പോള്‍ മായങ്കിനെ പരിഗണിക്കുന്നതില്‍ രണ്ട് വട്ടം ടീം മാനേജ്‌മെന്റ് ചിന്തിക്കുമെന്നുറപ്പ്.
