ലോകകപ്പിന് ഇനിയും സമയമുണ്ട്
എല്ലാ സമയത്തും ഒരു മത്സരം കളിക്കുമ്പോള് ഭാവിയിലേക്കുള്ള ഏതെങ്കിലുമൊരു കാര്യത്തിന്റെ മുന്നൊരുക്കമായിരിക്കുമത്. ഏകദിന ലോകകപ്പിന് ഇനിയും 8-9 മാസം സമയമുണ്ട്. അതുകൊണ്ട് തന്നെ ഇപ്പോഴേ അതിനെക്കുറിച്ച് ചിന്തിക്കേണ്ടതില്ല. എന്നാല് ടീമെന്ന നിലയില് ചെയ്യേണ്ടതിനെക്കുറിച്ച് കൃത്യമായ ധാരണ ഉണ്ടായിരിക്കേണ്ടതാണ്. എങ്ങനെ മെച്ചപ്പെടണം എന്നതിനെക്കുറിച്ച് അറിയണം. എന്നാല് ലോകകപ്പിന് മുമ്പ് ഒരുപാട് കാര്യങ്ങളെക്കുറിച്ച് ആലോചിച്ച് തലപുകയ്ക്കാതിരിക്കുകയെന്നത് വളരെ പ്രധാനപ്പെട്ട കാര്യമാണ്. ടീം കോമ്പിനേഷന് അങ്ങനെയാവണം. ആ താരത്തെ കളിപ്പിക്കണം, ഈ താരത്തെ കളിപ്പിക്കരുത് എന്നിങ്ങനെയുള്ള വലിയ ആലോചനകള് ഇപ്പോഴെ നടത്തുന്നതില് കാര്യമില്ല-രോഹിത് പറഞ്ഞു.
നല്ല ക്രിക്കറ്റ് കളിക്കാന് ആഗ്രഹിക്കുന്നു
എന്താണ് ചെയ്യേണ്ടതെന്നതിനെക്കുറിച്ച് കൃത്യമായ ധാരണയുണ്ട്. ലോകകപ്പിലേക്കെത്തുമ്പോള് ഇതിനെക്കുറിച്ച് ഇതിനെക്കുറിച്ച് കാര്യമായി ചിന്തിച്ചാല് മതി. നല്ല ക്രിക്കറ്റ് കളിക്കുക മാത്രമാണ് ചെയ്യേണ്ടത്. ലോകകപ്പിന് മുമ്പുവരെ നല്ല ക്രിക്കറ്റ് കളിക്കാനാണ് പദ്ധതി. അതിന് ശേഷമാണ് മറ്റുള്ള കാര്യങ്ങള്. ഒരുപാട് നേരത്തെ പദ്ധതികള് മെനയുന്നത് വലിയ ഗുണം ചെയ്തേക്കില്ല- രോഹിത് ശര്മ കൂട്ടിച്ചേര്ത്തു. രോഹിത് ശര്മയെ സംബന്ധിച്ച് നിര്ണ്ണായകമാവുന്ന ലോകകപ്പാണിത്. 2022ലെ ടി20 ലോകകപ്പില് ഇന്ത്യക്ക് കപ്പിലേക്കെത്താന് സാധിക്കാത്തതിനാല് നായകനായ രോഹിത്തിന് വലിയ വിമര്ശനം നേരിടേണ്ടി വന്നു.
FIFA World Cup 2022: വണ്ടര് മെസി, മറഡോണയെ മറികടന്നു, നേടിയെടുത്ത റെക്കോഡുകളിതാ
ടീമില് ആശയക്കുഴപ്പങ്ങളേറെ
ഇന്ത്യന് ടീമിന്റെ പ്ലേയിങ് 11 സംബന്ധിച്ച് ഇപ്പോഴും ആശയക്കുഴപ്പങ്ങളേറെ. പലരുടേയും ബാറ്റിങ് പൊസിഷന് സംബന്ധിച്ച് ഇപ്പോഴും വ്യക്തയില്ല. കെ എല് രാഹുല് എവിടെ കളിക്കണം? സഞ്ജു സാംസണിന് അവസരമുണ്ടോ? ഓപ്പണിങ്ങില് ആരൊക്കെ? തുടങ്ങി പല ചോദ്യങ്ങള്ക്കും ഇന്ത്യക്ക് ഉത്തരം കണ്ടെത്തേണ്ടതായുണ്ട്. ഇന്ത്യക്ക് കൂടുതല് ഓള്റൗണ്ടര്മാരെ ആവിശ്യമാണെങ്കിലും നിലവിലെ സാഹചര്യത്തില് ഹര്ദിക് പാണ്ഡ്യയെ മാത്രമാണ് ഇന്ത്യക്ക് പരിഗണിക്കാന് സാധിക്കുക. ഇന്ത്യക്ക് കൂടുതല് ഓള്റൗണ്ടര്മാരെ ആവിശ്യമാണെങ്കിലും വളര്ത്തിക്കൊണ്ടുവരാനുള്ള ശ്രമം ഉണ്ടാകുന്നില്ല.
രോഹിത്തിനെതിരേ ആരാധകര്
ലോകകപ്പിന് സമയമുണ്ടെന്നും ഇപ്പോള് അതിനെക്കുറിച്ച് ചിന്തിക്കുന്നില്ലെന്നുമുള്ള രോഹിത് ശര്മ പറഞ്ഞതിന് പിന്നാലെ വലിയ വിമര്ശനമാണ് ആരാധകര് ഉയര്ത്തുന്നത്. ഇന്ത്യന് ടീമിന് ലോകകപ്പ് നേടാന് ആഗ്രഹമുണ്ടെങ്കില് ഇപ്പോഴെങ്കിലും കൃത്യമായ പദ്ധതികളോടെ മുന്നോട്ട് പോകാനാവണം. ഇന്ത്യ കളിപ്പിക്കേണ്ട പ്ലേയിങ് 11 മനസിലാക്കി അവര്ക്ക് കൂടുതല് അവസരം നല്കുകയാണ് വേണ്ടതെന്നതാണ് ആരാധകര് പറയുന്നത്. രോഹിത് അവസാന സമയത്തേക്ക് കാര്യങ്ങള് വെച്ചാല് ഇന്ത്യക്ക് നിരാശയോടെ തന്നെ മടങ്ങേണ്ടി വരുമെന്നാണ് ആരാധകര് ചൂണ്ടിക്കാട്ടുന്നത്. നിലവില് രോഹിത് ശര്മയെ ഇന്ത്യ ടി20 നായകസ്ഥാനത്ത് നിന്ന് മാറ്റാനുള്ള തയ്യാറെടുപ്പിലാണ്. ഹര്ദിക് പാണ്ഡ്യയുടെ കീഴിലാവും ഇന്ത്യ അടുത്ത ടി20 ലോകകപ്പ് കളിക്കുകയെന്നാണ് റിപ്പോര്ട്ടുകളുള്ളത്.