ഇഎഎസ് പ്രസന്നയാണ് ഇന്ത്യന് താരങ്ങളില് ഗബ്ബയില് കൂടുതല് ടെസ്റ്റ് വിക്കറ്റുള്ള താരം. 1968-1977 കാലഘട്ടത്തിനിടയിലാണ് പ്രസന്നയുടെ പ്രകടനം. രണ്ട് മത്സരത്തില് നിന്നായി 8 വിക്കറ്റാണ് അദ്ദേഹം വീഴ്ത്തിയത്. ഇതില് ഒരു ഇന്നിങ്സില് 104 റണ്സ് വഴങ്ങി ആറ് വിക്കറ്റ് വീഴ്ത്തി. ബാക്കി മൂന്ന് ഇന്നിങ്സില് നിന്ന് വെറും രണ്ട് വിക്കറ്റാണ് മുന് ഇന്ത്യന് സ്പിന്നര്ക്ക് നേടാനായത്.
മുന് ഇന്ത്യന് പേസര് മദന് ലാലാണ് ഈ പട്ടികയിലെ രണ്ടാം സ്ഥാനത്ത്. 1977ല് 1 മത്സരം ഗബ്ബയില് കളിച്ച മദന് ലാല് ആറ് വിക്കറ്റാണ് നേടിയത്. ഒരു ഇന്നിങ്സില് 72 റണ്സ് വഴങ്ങി അഞ്ച് വിക്കറ്റ് വീഴ്ത്തിയപ്പോള് രണ്ടാം ഇന്നിങ്സില് ഒരു വിക്കറ്റ് മാത്രമാണ് നേടിയത്. നിലവിലെ ഇന്ത്യന് ടീമിന്റെ ഭാഗമായ ഇഷാന്ത് ശര്മക്ക് ഗബ്ബയില് ഭേദപ്പെട്ട റെക്കോഡുണ്ട്. 2014ല് ഒരു മത്സരം കളിച്ച ഇഷാന്ത് 6 വിക്കറ്റാണ് വീഴ്ത്തിയത്. രണ്ട് ഇന്നിങ്സിലും അദ്ദേഹം മൂന്ന് വിക്കറ്റ് പ്രകടനം നടത്തി. എന്നാല് പരിക്കേറ്റ ഇഷാന്ത് ഓസ്ട്രേലിയക്കെതിരായ ടെസ്റ്റ് പരമ്പര കളിക്കുന്നില്ല.
ആര്എഫ് സൂര്തി 1963-68 കാലഘട്ടത്തില് 1 മത്സരത്തില് നിന്ന് 6 വിക്കറ്റ് നേടിയിട്ടുണ്ട്. ബിഎസ് ബേദി രണ്ട് മത്സരത്തില് നിന്ന് 6 വിക്കറ്റും നേടിയിട്ടുണ്ട്. ഗബ്ബയില് അഞ്ച് വിക്കറ്റ് പ്രകടനം നടത്താന് സാധിച്ച നാല് ഇന്ത്യന് ബൗളര്മാരിലൊരാണ് ബേദി. മുന് പേസര് സഹീര് ഖാന് 2003ല് ഒരു മത്സരത്തില് നിന്ന് അഞ്ച് വിക്കറ്റ് നേടിയിരുന്നു. 95 റണ്സ് വഴങ്ങി അഞ്ച് വിക്കറ്റ് സഹീര് വീഴ്ത്തിയപ്പോള് ഒരു ഇന്നിങ്സില് വിക്കറ്റൊന്നും നേടാനായില്ല.
നിലവിലെ ടീമിന്റെ ഭാഗമായ ഉമേഷ് യാദവ് 2014ല് 1 മത്സരത്തില് നിന്ന് അഞ്ച് വിക്കറ്റ് പ്രകടനം നടത്തിയിട്ടുണ്ട്. ഒരു ഇന്നിങ്സില് മൂന്നും രണ്ടാം ഇന്നിങ്സില് രണ്ടും വിക്കറ്റുകളാണ് അദ്ദേഹം വീഴ്ത്തിയത്. എന്നാല് പരിക്കേറ്റ് ഉമേഷ് ഓസ്ട്രേലിയക്കെതിരായ പരമ്പരയില് നിന്ന് പുറത്തായി. ആര് അശ്വിന് 2014ല് കളിച്ച 2 വിക്കറ്റ് നേടിയിട്ടുണ്ട്. ജസ്പ്രീത് ബൂംറ ഗബ്ബയില് ഇതുവരെ കളിച്ചിട്ടില്ല.