Click it and Unblock the Notifications
മായങ്ക് അഗര്വാളിന് പകരം രോഹിത്
രോഹിത് ശര്മ ഓപ്പണറായെത്താനുള്ള സാധ്യത കൂടുതലാണ്. ക്വാറന്റെയ്ന് പൂര്ത്തിയാക്കിയ രോഹിത് ബുധനാഴ്ചയാണ് ടീമിനൊപ്പം ചേര്ന്നത്. പരിക്കിനെത്തുടര്ന്ന് പരിമിത ഓവര് പരമ്പരയില് നിന്ന് മാറ്റി നിര്ത്തിയ രോഹിതിനെ ടെസ്റ്റ് പരമ്പര കളിക്കുന്നതിനുവേണ്ടി മാത്രമാണ് ഇന്ത്യ ഓസ്ട്രേലിയയിലേക്ക് വിളിച്ചു വരുത്തിയത്.
14 ദിവസത്തെ ക്വാറന്റെയ്നും പൂര്ത്തിയാക്കി രോഹിത് എത്തുമ്പോള് കളിപ്പിക്കാതിരിക്കാന് വഴിയില്ല. രോഹിതിന്റെ ഓസ്ട്രേലിയയിലെ റെക്കോഡുകള് അത്ര മികച്ചതല്ല. എന്നാല് കോലിയുടെ അഭാവത്തില് രോഹിതിന്റെ സാന്നിധ്യം ഇന്ത്യക്ക് കരുത്താകും. രോഹിത് എത്തിയാല് മോശം ഫോമിലുള്ള മായങ്ക് അഗര്വാള് പുറത്തിരിക്കാനാണ് സാധ്യത. മെല്ബണില് അരങ്ങേറ്റം നടത്തി തിളങ്ങിയ ശുബ്മാന് ഗില്ലിനെ നിലനിര്ത്തിയേക്കും.
മധ്യനിരയിലേക്ക് കെ എല് രാഹുല്
വിദേശത്ത് മികച്ച ടെസ്റ്റ് പ്രകടനം അവകാശപ്പെടാന് രാഹുലിനാവില്ലെങ്കിലും സമീപ കാലത്തായി ഉജ്ജ്വല ഫോമിലാണ് കളിക്കുന്നത്. ആദ്യ രണ്ട് ടെസ്റ്റിലും അവസരം ലഭിക്കാതിരുന്ന രാഹുലിന് മൂന്നാം മത്സരത്തില് ഇന്ത്യ മധ്യനിരയിലേക്ക് പരിഗണിച്ചേക്കും. ഹനുമ വിഹാരിക്ക് പ്രതീക്ഷയ്ക്കൊത്ത് ഉയരാന് സാധിക്കാത്തതിനാല് അദ്ദേഹത്തിന് സ്ഥാനം നഷ്ടപ്പെടാന് സാധ്യത കൂടുതലാണ്. എന്നാല് സ്പിന്നറെ നിലയില്ക്കൂടി വിഹാരി ഉപയോഗപ്പെടുത്താം എന്നതിനാല് താരത്തെ ഒഴിവാക്കുമോയെന്ന് കണ്ടറിയണം. സന്നാഹ മത്സരത്തില് വിഹാരി സെഞ്ച്വറി നേടിയിരുന്നു.
നടരാജനല്ല,ശര്ദുല് ഠാക്കൂറിന് അവസരം ലഭിച്ചേക്കും
പരിക്കേറ്റ ഉമേഷ് യാദവിന് പകരം ശര്ദുല് ഠാക്കൂര് കളിച്ചേക്കും. ടി നടരാജന് അരങ്ങേറ്റം നടത്തുമെന്ന രീതിയില് റിപ്പോര്ട്ടുകളുണ്ടായിരുന്നെങ്കിലും നടരാജനല്ല ശര്ദുല് ഠാക്കൂറാവും സിഡ്നിയില് കളിക്കുകയെന്നാണ് റിപ്പോര്ട്ട്. നിലവില് ഇഷാന്ത് ശര്മ,മുഹമ്മദ് ഷമി,ഉമേഷ് യാദവ് എന്നീ മൂന്ന് സൂപ്പര് പേസര്മാരെയാണ് ഇന്ത്യക്ക് നഷ്ടമായിരിക്കുന്നത്. എല്ലാം പ്രതീക്ഷയും ഇനി ബൂംറയിലേക്കാണ്. മുഹമ്മദ് സിറാജ് ടീമില് സ്ഥാനം നിലനിര്ത്തിയേക്കും. നവദീപ് സൈനിയെ പരിഗണിക്കില്ലെന്നാണ് വിവരം.
Continue with Google