Click it and Unblock the Notifications
ഇഷാന് കിഷന്
23കാരനായ ഇടം കൈയന് വിക്കറ്റ് കീപ്പര് ബാറ്റിങ്ങില് വെടിക്കെട്ട് തീര്ക്കാന് കെല്പ്പുള്ള താരമാണ്. മധ്യപ്രദേശിനെതിരേ 94 പന്തില് 173 റണ്സുമായി വിജയ് ഹസാരെ ട്രോഫിയില് തിളങ്ങാന് ഇഷാന് സാധിച്ചു. ജാര്ഖണ്ഡ് നായകനായ ഇഷാന് റിഷഭ് പന്തിന്റെ സ്ഥാനത്തിന് കടുത്ത വെല്ലുവിളി ഉയര്ത്തുന്ന താരമാണ്. എന്നാല് സ്ഥിരത ഇഷാന്റെ പ്രശ്നമാണ്. ഇത്തവണത്തെ ഐപിഎല്ലിലും തിളങ്ങിയാല് ടി20 ലോകകപ്പില് ഇന്ത്യയുടെ വിക്കറ്റ് കീപ്പര്മാരില് ഒരാളായി ഇഷാനും എത്തിയേക്കും.
സൂര്യകുമാര് യാദവ്
അവസാന സീസണിലെ ഐപിഎല്ലിലെ മിന്നും പ്രകടനത്തോടെ ടി20 ടീമില് സ്ഥാനം നേടിയെടുക്കുകയായിരുന്നു സൂര്യകുമാര്. ഓസ്ട്രേലിയന് പര്യടനത്തില് അദ്ദേഹത്തിന് അവസരം പ്രതീക്ഷിച്ചെങ്കിലും തഴയപ്പെട്ടു. എന്നാല് ഇംഗ്ലണ്ടിനെതിരേ ടീമിലേക്ക് പരിഗണിക്കപ്പെടുകയായിരുന്നു. ഡല്ഹിക്കെതിരേ അര്ധ സെഞ്ച്വറി നേടിയാണ് സൂര്യകുമാര് ദേശീയ ടീമിലേക്കുള്ള പ്രവേശനം ആഘോഷിച്ചത്. പോണ്ടിച്ചേരിക്ക് എതിരേ 58 പന്തില് 133 റണ്സെടുക്കാനും രാജസ്ഥാനെതിരേ 75 പന്തില് 91 റണ്സെടുക്കാനും സൂര്യകുമാറിനായി.
രാഹുല് തെവാത്തിയ
മധ്യനിരയില് വെടിക്കെട്ട് പ്രകടനം കാഴ്ചവെക്കാന് മിടുക്കുള്ള താരമാണ് രാഹുല് തെവാത്തിയ. ഹരിയാനക്കുവേണ്ടി കളിക്കുന്ന അദ്ദേഹം ചത്തീസ്ഗഢിനെതിരേ 39 പന്തില് 73 റണ്സുമായി വെടിക്കെട്ട് പ്രകടനം കാഴ്ചവെച്ചിരുന്നു. അവസാന സീസണിലെ ഐപിഎല്ലില് ഷെല്ഡോന് കോട്രലിനെ ഒരോവറില് അഞ്ച് തവണ സിക്സര് പറത്തിയാണ് തെവാത്തിയ താരമായി മാറിയത്. സ്പിന് ഓള്റൗണ്ടറെന്ന നിലയില് ഇന്ത്യക്ക് മുതല്ക്കൂട്ടായേക്കാവുന്ന താരമാണ് അദ്ദേഹം.
Continue with Google