Click it and Unblock the Notifications
എല്ലാ ബോളും കളിക്കാന്‍ പറഞ്ഞു
എല്ലാ പന്തുകളും കളിക്കാനാണ് രാഹുല്‍ സാര്‍ പറഞ്ഞത്. ഇന്ത്യ എ ടീമിനൊപ്പം കുറച്ച് ഇന്നിങ്‌സുകള്‍ ഞാന്‍ കളിച്ചിട്ടുണ്ട്. അതിനാല്‍ത്തന്നെ ദ്രാവിഡ് സാറിന് എന്നെ വിശ്വാസമുണ്ടെന്നാണ് കരുതുന്നത്. ഏഴാം നമ്പറില്‍ ബാറ്റ് ചെയ്യാന്‍ എനിക്ക് മികവുണ്ടെന്നാണ് കരുതുന്നതെന്നാണ് ദ്രാവിഡ് സാര്‍ പറഞ്ഞത്. വരുന്ന മത്സരത്തില്‍ എനിക്ക് ബാറ്റ് ചെയ്യേണ്ടി വരില്ലെന്നാണ് കരുതുന്നത്-മത്സരശേഷം ദീപക് ചഹാര്‍ പ്രതികരിച്ചു.
ഇത്തരത്തിലൊരു പ്രകടനം സ്വപ്‌നം
രാജ്യത്തിനായി ഇത്തരമൊരു പ്രകടനം സ്വപ്‌നമായിരുന്നു. ബാറ്റിങ്ങിനിറങ്ങിയപ്പോള്‍ അത് മാത്രമാണ് മനസിലുണ്ടായിരുന്നത്. 50 റണ്‍സില്‍ താഴേക്ക് വിജയലക്ഷ്യം എത്തിയപ്പോള്‍ ജയിക്കാനാവുമെന്ന ആത്മവിശ്വാസം എനിക്കുണ്ടായി. അതിന് ശേഷമാണ് അല്‍പ്പം സാഹസികമായ ഷോട്ടുകള്‍ കളിച്ചു-ദീപക് പറഞ്ഞു. 82 പന്തുകള്‍ നേരിട്ട് 7 ഫോറും ഒരു സിക്‌സുമാണ് ദീപക് നേടിയത്.
റെക്കോഡ് സൃഷ്ടിച്ച പ്രകടനം
ഇന്ത്യന്‍ റണ്‍സ് പിന്തുടര്‍ന്ന് ജയിച്ച മത്സരങ്ങളിലെ എട്ടാം നമ്പറുകാരന്റെ ഉയര്‍ന്ന സ്‌കോറെന്ന റെക്കോഡ് ദീപക് സ്വന്തം പേരിലാക്കി. കൂടാതെ എട്ടാം നമ്പറിലെ ഇന്ത്യന്‍ താരത്തിന്റെ ഉയര്‍ന്ന രണ്ടാമത്തെ സ്‌കോറാണിത്. 2019ലെ ലോകകപ്പില്‍ ന്യൂസീലന്‍ഡിനെതിരേ രവീന്ദ്ര ജഡേജ നേടിയ 77 റണ്‍സാണ് ഈ റെക്കോഡില്‍ തലപ്പത്ത്. രണ്ട് വിക്കറ്റുകളും മത്സരത്തില്‍ ദീപക് ചഹാര്‍ നേടി.
