Click it and Unblock the Notifications
Sporting Buzz
-
T20 World Cup: ഡികെയ്ക്ക് ഇനിയും അവസരം കൊടുക്കണ്ട! യോഗ്യരായ യുവാക്കള് പുറത്തുണ്ട്; തുറന്നടിച്ച് മുന്‍ താരം -
IPL 2024: 14 കോടിയുടെ വാഴ, മിച്ചല് വീണ്ടും ഫ്ളോപ്പ്; സിഎസ്കെയ്ക്ക് പറ്റിയ മണ്ടത്തരം- ട്രോള് -
IPL 2024: ചാഹലിനെ ആര്സിബിയ്ക്ക് നഷ്ടപ്പെട്ടത് ആ മണ്ടത്തരം കാരണം; ലേലത്തില് നടന്നത് എന്ത്? വെളിപ്പെടുത്തല് -
IPL 2024: പുറത്തായ ബട്ട്ലറെ പച്ചത്തെറി വിളിച്ച് പിയുഷ് ചൗള; കാണിച്ചത് മര്യാദകേട്! -
IPL 2024: ടോസ് ലഖ്നൗവിന്, ബൗളിങ് തിരഞ്ഞെടുത്ത് രാഹുല്; സിഎസ്കെ ആദ്യം ബാറ്റ് ചെയ്യും -
T20 World Cup: ലോകകപ്പ് കണ്ടാരും പനിക്കണ്ട! യോഗ്യന് പന്ത് തന്നെ; പിന്തുണച്ച് ദാദയും പോണ്ടിംഗും -
IPL 2024: മുംബൈ ഇനിയും തോല്ക്കും, അപ്പോഴും ഹാര്ദിക് ചിരിക്കും! വിമര്ശിച്ച് സ്റ്റെയിന് -
IPL 2024: ഹാര്ദിക്കിന്റെ വന് പിഴവ്, ജയ്സ്വാളിനെതിരേ അതു ചെയ്തില്ല! വിമര്ശിച്ച് പീറ്റേഴ്സന് -
IPL 2024: ഇന്ത്യക്ക് വേണ്ട, പക്ഷെ സഞ്ജുവിന്റെ തുറുപ്പു ചീട്ട്! തന്റെ തന്ത്രം വെളിപ്പെടുത്തി സന്ദീപ് -
IPL 2024: സഞ്ജുവിന്റെ തന്ത്രം പാളിയേനെ, ആ മണ്ടത്തരം മുംബൈ മുതലാക്കി! രക്ഷിച്ചത് സന്ദീപ്
ഗയാന: ഹാട്രിക്ക് വിജയത്തോടെ ഇന്ത്യ ഐസിസി വനിതാ ടി20 ലോകകപ്പിന്റെ സെമിഫൈനലിലേക്ക് മുന്നേറി. ഗ്രൂപ്പ് ബിയില്‍ അയര്‍ലാന്‍ഡിനെയാണ് ഇന്ത്യന്‍ വനിതകള്‍ കെട്ടുക്കെട്ടിച്ചത്. 52 റണ്‍സിനായിരുന്നു ഇന്ത്യന്‍ ജയം. 2010നു ശേഷം ആദ്യമായാണ് ഇന്ത്യ ടി20 ലോകകപ്പിന്റെ സെമിഫൈനലിലേക്ക് മുന്നേറുന്നത്. ഓസ്‌ട്രേലിയക്കു പിന്നാലെ ടൂര്‍ണമെന്റില്‍ സെമിഫൈനലില്‍ ഇടംനേടുന്ന രണ്ടാമത്തെ ടീം കൂടിയാണ് ഇന്ത്യ. ഗ്രൂപ്പ് ബിയില്‍ നിന്നായിരുന്നു മുന്‍ ചാംപ്യന്‍മാരായ ഓസീസിന്റേയും സെമി പ്രവേശനം. ഇതോടെ ഗ്രൂപ്പ് ബിയില്‍ നിന്ന് പാകിസ്താന്‍, ന്യൂസിലാന്‍ഡ്, അയര്‍ലാന്‍ഡ് ടീമുകള്‍ സെമിഫൈനല്‍ കാണാതെ പുറത്തായി. ടൂര്‍ണമെന്റില്‍ അയര്‍ലാന്‍ഡിന്റെ തുടര്‍ച്ചയായ മൂന്നാം തോല്‍വി കൂടിയായിരുന്നു ഇന്ത്യക്കെതിരേയുള്ളത്.
ഐറിഷ്പ്പടയ്‌ക്കെതിരേ ഓള്‍റൗണ്ട് മികവിലൂടെ ഇന്ത്യ വിജയം കൊയ്യുകയായിരുന്നു. ടോസ് നഷ്ടപ്പെട്ട് ആദ്യം ബാറ്റ് ചെയ്ത ഇന്ത്യ നിശ്ചിത ഓവറില്‍ ആറ് വിക്കറ്റിന് 145 റണ്‍സ് അടിച്ചെടുത്തു. തുടര്‍ച്ചയായ രണ്ടാം മല്‍സരത്തിലും അര്‍ധസെഞ്ച്വറി നേടിയ മിതാലി രാജാണ് (51) ഇന്ത്യയുടെ ടോപ്‌സ്‌കോറര്‍. 56 പന്തില്‍ നാല് ബൗണ്ടറിയും ഒരു സിക്‌സറും ഉള്‍പ്പെടുന്നതാണ് മിതാലിയുടെ ഇന്നിങ്‌സ്. സ്മൃതി മന്ദാന (33), ജെമീമ റോഡ്രിഗസ് (18), ദീപ്തി ശര്‍മ (11*) എന്നിവരാണ് ഇന്ത്യന്‍ നിരയില്‍ രണ്ടക്കം കടന്ന മറ്റു താരങ്ങള്‍. ക്യാപ്റ്റന്‍ ഹര്‍മന്‍പ്രീത് കൗര്‍ ഏഴ് റണ്‍സെടുത്ത് പുറത്തായി.
മറുപടിയില്‍ ഓരോ ഇടവേളകളിലും ഇന്ത്യന്‍ ബൗളര്‍മാര്‍ വിക്കറ്റുകള്‍ കടപുഴക്കിയപ്പോള്‍ അയര്‍ലാന്‍ഡ് പോരാട്ടം നിശ്ചിത ഓവറില്‍ എട്ട് വിക്കറ്റിന് 93 റണ്‍സിലൊതുങ്ങുകയായിരുന്നു. ഇസോബെല്‍ ജോയ്‌സ് (33), ക്ലാരെ ഷില്ലിങ്ടണ്‍ (23) എന്നിവര്‍ക്കു മാത്രമാണ് ഐറിഷ് ബാറ്റിങ് നിരയില്‍ അല്‍പ്പമെങ്കിലും പിടിച്ചുനില്‍ക്കാനായത്. ഇന്ത്യക്കു വേണ്ടി രാധ യാദവ് മൂന്നും ദീപ്തി ശര്‍മ രണ്ടും വിക്കറ്റ് വീഴ്ത്തി തിളങ്ങി. പൂനം യാദവും ഹര്‍മന്‍പ്രീത് കൗറും ഓരോ വിക്കറ്റ് വീതം പങ്കിട്ടു. തുടര്‍ച്ചയായ രണ്ടാം മല്‍സരത്തിലും മിതാലി രാജ് കളിയിലെ താരമായി തിരഞ്ഞെടുക്കപ്പെട്ടു. ശനിയാഴ്ച ഓസ്‌ട്രേലിയക്കെതിരേയാണ് ഇന്ത്യയുടെ അവസാന ഗ്രൂപ്പ് മല്‍സരം. ഈ മല്‍സരത്തില്‍ ജയിക്കുന്ന ടീമിന് ഗ്രൂപ്പ് ബി ചാംപ്യന്‍മാരാവാന്‍ സാധിക്കും. നിലവില്‍ ആറ് പോയിന്റ് വീതമാണ് ഇരു ടീമിനുള്ളതെങ്കിലും നെറ്റ്‌റണ്‍റേറ്റില്‍ ഇന്ത്യയെ പിന്തള്ളി ഓസീസാണ് ഗ്രൂപ്പ് ബിയില്‍ തലപ്പത്ത്.
