ബൗളര്മാരില് റബാഡ
ബൗളരില്മാരില് റബാഡ ആധിപത്യം തുടരുകയാണ്. ഈവര്ഷം 52 വിക്കറ്റുകള് വീഴ്ത്തിയ താരം 880 പോയന്റുമായാണ് ഒന്നാം സ്ഥാനത്ത് തുടരുന്നത്. ഇംഗ്ലണ്ടിന്റെ ജെയിംസ് ആന്ഡേഴ്സണ് രണ്ടാം സ്ഥാനത്തും ഓസ്ട്രേലിയയുടെ പാറ്റ് കമ്മിന്സ് മൂന്നാം സ്ഥാനത്തുമുണ്ട്. മെല്ബണ് ടെസ്റ്റിലെ 9 വിക്കറ്റ് പ്രകടനമാണ് കമ്മിന്സിന്റെ സ്ഥാനം ഉയര്ത്തിയത്. ഇന്ത്യന് സ്പിന്നര്മാരായരവീന്ദ്ര ജഡേജ ആറാം സ്ഥാനത്തും ആര് അശ്വിന് എട്ടാമതുമാണ്.
ജസ്പ്രീത് ബുംറ
ഈ വര്ഷം ടെസ്റ്റില് അറങ്ങേറ്റം നടത്തിയ ജസ്പ്രീത് ബുംറ 28-ാം സ്ഥാനത്തുനിന്നും പതിനാറിലേക്കുയര്ന്നു. മെല്ബണില് ബുംറ 9 വിക്കറ്റ് വീഴ്ത്തിയിരുന്നു. ഇന്ത്യന് പേസര്മാരില് മുന്പിലുള്ളതും ബുംറയാണ്. മുഹമ്മദ് ഷമി 23-ാം സ്ഥാനത്തും ഇശാന്ത് ശര്മ 27-ാം സ്ഥാനത്തുമാണ്. ബാറ്റ്സ്മാന്മാരില് ഋഷഭ് പന്തിന് റാങ്കിങ്ങില് നേട്ടമുണ്ടാക്കാനായി.
ഋഷഭ് പന്തും മായങ്ക് അഗര്വാളും
ഋഷഭ് പന്ത് കരിയറിലെ മികച്ച റാങ്കായ 38 ലാണ്. ഇന്ത്യയ്ക്കായി ആദ്യ മത്സരം കളിക്കാനിറങ്ങിയ മായങ്ക് അഗര്വാള് റാങ്കിങ് പട്ടികയില് ഇടം പിടിച്ചിട്ടുണ്ട്. 67-ാം സ്ഥാനത്താണ് യുവതാരം. മെല്ബണില് 76ഉം 42ഉം റണ്സെടുത്ത് മായങ്ക് വരവറിയിച്ചിരുന്നു. ടീമുകളില് ഇന്ത്യ തന്നെയാണ് ഒന്നാം സ്ഥാനത്ത്. ഇംഗ്ലണ്ട് രണ്ടാം സ്ഥാനത്ത് തുടര്ന്നപ്പോള് സൗത്ത് ആഫ്രിക്കയെ മറികടന്ന് ന്യൂസിലന്ഡ് മൂന്നാം സ്ഥാനത്തെത്തി.