Click it and Unblock the Notifications
തീരുമാനമെടുത്തത് ഞാനല്ല
സിഎസ്‌കെ ടീമിന്റെ ഭാഗമായ ശേഷം ധോണി തന്നെ ഫോണില്‍ വിളിച്ചു സംസാരിച്ചതായി ഉത്തപ്പ പറഞ്ഞു. നീ ഇവിടേക്കു വരുന്നതുമായി ബന്ധപ്പെട്ട് തീരുമാനമെടുത്തത് ഞാനല്ലയെന്നു നീ അറിയണം. കോച്ചുമാരും സിഇഒയുമുള്‍പ്പെടുന്ന സിഎസ്‌കെയുടെ ലീഡര്‍ഷിപ്പ് ഗ്രൂപ്പാണ് ഇക്കാര്യത്തില്‍ തീരുമാനം കൈക്കൊണ്ടത്. നിന്നെ സിഎസ്‌കെയിലെത്തിച്ചത് ഞാനാണെന്നു ആരെങ്കിലും കരുതാന്‍ ആഗ്രഹിക്കുന്നില്ലെന്നും ധോണി പറഞ്ഞതായി ഉത്തപ്പ വെളിപ്പെടുത്തി.
ധോണി പറയാന്‍ കാരണം
ധോണി ഇങ്ങനെ പറയാന്‍ ഒരു കാരണം കൂടിയുണ്ടെന്നും ഇതു തന്നെയാണ് അദ്ദേഹത്തില്‍ തന്നെ ഏറ്റവുമധികം ആകര്‍ഷിച്ചതെന്നും ഉത്തപ്പ വ്യക്തമാക്കി.
സ്വന്തം കഴിവ് കൊണ്ട് ഞാന്‍ ടീമിലെത്തണമെന്നാണ് ധോണി ആഗ്രഹിക്കുന്നത്. അല്ലാതെ താന്‍ ടീമിന്റെ ക്യാപ്റ്റനായതു കാരണമാണ് സിഎസ്‌കെയില്‍ അവസരം ലഭിച്ചതെന്നു കരുതാന്‍ ധോണി ആഗ്രഹിക്കുന്നില്ലെന്നും ഉത്തപ്പ വിശദമാക്കി.
ഓപ്പണറായി കളിക്കണം
ഐപിഎല്ലിന്റെ കഴിഞ്ഞ രണ്ടു സീസണുകളിലും മധ്യനിരയലാണ് ഉത്തപ്പ കളിച്ചത്. എന്നാല്‍ തന്റെ ഫേവറിറ്റ് പൊസിഷന്‍ ഓപ്പണിങാണെന്നു അദ്ദേഹം പറയുന്നു. ഈ പൊസിഷനിലാണ് ടീമിനു കൂടുതല്‍ സംഭാവന ചെയ്യാന്‍ തനിക്കു കഴിയുകയെന്നും അദ്ദേഹം വ്യക്തമാക്കി.
നിലവില്‍ ആഭ്യന്തര ക്രിക്കറ്റില്‍ കേരളത്തിനു വേണ്ടിയാണ് ഉത്തപ്പ കളിക്കുന്നത്. ഇവിടെ ഓപ്പണറുടെ റോള്‍ തന്നെയാണ് അദ്ദേഹത്തിനുള്ളത്. അടുത്തിടെ സമാപിച്ച സയ്ദ് മുഷ്താഖ് അലി ട്രോഫി, വിജയ് ഹസാരെ ട്രോഫി എന്നിവയിലെല്ലാം ഓപ്പണറാി ഇറങ്ങി മിന്നുന്ന പ്രകടനം താരം കാഴ്ചവച്ചിരുന്നു. ഐപിഎല്ലില്‍ സിഎസ്‌കെയിലും ഓപ്പണിങ് പൊസിഷന്‍ തന്നെ തനിക്കു ലഭിക്കുമെന്ന പ്രതീക്ഷയിലാണ് ഉത്തപ്പ.
പ്രഥമ സീസണ്‍ മുതല്‍ ഐപിഎല്ലിന്റെ ഭാഗമായ അദ്ദേഹം 189 മല്‍സരങ്ങളില്‍ നിന്നായി 4607 റണ്‍സെടുത്തിട്ടുണ്ട്. 24 ഫിഫ്റ്റികള്‍ ഇതിലുള്‍പ്പെടുന്നു. 87 റണ്‍സാണ് ഉയര്‍ന്ന സ്‌കോര്‍.
