ഇന്ത്യയുടെ വെടിക്കെട്ട് ഓപ്പണറും നിശ്ചിത ഓവര് ടീം വൈസ് ക്യാപ്റ്റനുമായ രോഹിത് ശര്മയുടെ കടുത്ത ആരാധകനാണ് താനെന്നു രാഹുല് വെളിപ്പെടുത്തി. രോഹിത്തിന്റെ ബാറ്റിങിന്റെ ബാറ്റിങിന്റെ ആരാധകനാണ് താന്. കുറച്ചു വര്ഷമായി അദ്ദേഹത്തിനൊപ്പം കളിക്കുന്നു. സച്ചിന് ടെണ്ടുല്ക്കറെ കണ്ട് സ്തബ്ധരായി നിന്നു പോയിട്ടുണ്ടെന്ന് ചില ക്രിക്കറ്റര്മാര് പറയുന്നത് പോലെയാണ് തന്റെ അവസ്ഥ. എന്താണ് പറയേണ്ടതെന്നു പോലും അവര്ക്കറിയില്ല. കളിക്കളത്തില് രോഹിത്തിനൊപ്പമുള്ള നിമിഷങ്ങളെ പലപ്പോഴും അവിശ്വസനീയമായി തനിക്കു തോന്നിയിട്ടുണ്ടെന്നും രാഹുല് വിശദമാക്കി.
ഇന്ത്യന് ടീമിലെ സീനിയര് താരങ്ങളില് ഏറ്റവുമധികം തന്നില് വിശ്വാസമര്പ്പിച്ച താരങ്ങളിലൊരാള് കൂടിയാണ് രോഹിത്തെന്നു രാഹുല് വിശദമാക്കി. പല സന്ദര്ഭങ്ങളിലും തന്നെ പിന്തുണയ്ക്കുകയും ഒപ്പം നില്ക്കുകയും ചെയ്തിട്ടുള്ള താരം കൂടിയാണ് രോഹിത്.
ഉത്തരവാദിത്വം ഏറ്റെടുക്കാന് ശേഷിയുള്ള ഒരു യുവതാരം ടീമിലുണ്ടെന്ന് ടീമിലെ സീനിയറായ ഒരു കളിക്കാരന് വിശ്വസിക്കുമ്പോള് അത് ടീമിനു വേണ്ടി സ്ഥിരമായി കളിക്കാത്ത ആ യുവതാരത്തിനു നല്കുന്ന ആത്മവിശ്വാസം വളരെ വലുതാണെന്നും രാഹുല് ചൂണ്ടിക്കാട്ടി.
ടീമിനകത്ത് സ്ഥാനത്തിനു വേണ്ടി താരങ്ങള് തമ്മില് ആരോഗ്യപരമായ മല്സരം നടക്കുന്നുണ്ടെന്ന് രാഹുല് സമ്മതിച്ചു. ഇതാണ് ഓരോ തവണയും കൂടുതല് മെച്ചപ്പെട്ട പ്രകടനം നടത്താന് താരങ്ങളെ പ്രേരിപ്പിക്കുന്നത്. 2014ല് ദേശീയ ടീമിലെത്തിയ ശേഷം ടെസ്റ്റ് മല്സങ്ങളാവട്ടെ, ടി20, ഏകദിനം ഇവയില് ഏതുമാവട്ടെ എല്ലാത്തിലും ഓപ്പണര്, നാലാം നമ്പര് സ്ഥാനങ്ങളിലേക്കു മല്സരം നടക്കുന്നുണ്ട്.
ടീമിലെ ചില പൊസിഷനുകള് കുറച്ചു കാലത്തേക്കെങ്കിലും നിങ്ങള്ക്കു പിടിച്ചെടുക്കാന് കഴിയില്ല. പ്ലെയിങ് ഇലവനിലെ സ്ഥാനത്തിനു വേണ്ടിയുള്ള മല്സരം താരങ്ങള് ആസ്വദിക്കുകയും ചെയ്യുന്നുണ്ട്. മടി പിടിക്കാതെ എല്ലായ്പ്പോഴും പ്രകടനം മെച്ചപ്പെടുത്താന് ഇത് ഓരോ താരത്തെയും പ്രചോദിപ്പിക്കുന്നതായും രാഹുല് കൂട്ടിച്ചേര്ത്തു.