ലണ്ടന്: 'സമയമൊട്ടും കളയാതെ ഞാന് തിരിച്ചുവരും', ലണ്ടനില് ശസ്ത്രക്രിയക്ക് ശേഷം ഇന്ത്യന് ഓള്റൗണ്ടര് ഹാര്ദ്ദിക് പാണ്ഡ്യ ശനിയാഴ്ച്ച ഇന്സ്റ്റഗ്രാമില് കുറിച്ചു. ശസ്ത്രക്രിയ വിജയകരമായി പൂര്ത്തിയാക്കി. എല്ലാവരുടെയും പ്രാര്ത്ഥനകള്ക്ക് നന്ദി. പെട്ടെന്നുതന്നെ സുഖം പ്രാപിക്കും. സമയമൊട്ടും പാഴാക്കാതെ ക്രിക്കറ്റില് തിരിച്ചെത്തുമെന്ന് പാണ്ഡ്യ അറിയിച്ചു.
ഇന്ത്യ vs ദക്ഷിണാഫ്രിക്ക ടെസ്റ്റ്: രോഹിത് ഇനി ഹിറ്റ്മാനല്ല, സിക്സര്മാന്... ടെസ്റ്റിലും കിങ്
ഇന്ത്യ - ദക്ഷിണാഫ്രിക്ക ട്വന്റി-20 പരമ്പരയ്ക്കിടെയാണ് ഹാര്ദ്ദിക്കിന് പരുക്കേറ്റത്. തുടര്ന്ന് ബുധനാഴ്ച്ച ശസ്ത്രക്രിയക്കായി താരം യുകെയിലെത്തി. 2018 -ലെ ഇംഗ്ലണ്ട് പര്യടനത്തിനിടെയും 2019 ലോകകപ്പിനിടയിലും ഹാര്ദ്ദിക്കിനെ ചികിത്സിച്ച ഡോക്ടര് തന്നെയാണ് ശസ്ത്രക്രിയക്ക് നേതൃത്വം നല്കിയത്. നടന്നുകൊണ്ടിരിക്കുന്ന ഇന്ത്യ - ദക്ഷിണാഫ്രിക്ക ടെസ്റ്റ് പരമ്പരയില് ഹാര്ദ്ദിക്ക് ഉള്പ്പെട്ടിരുന്നില്ല.
ഇന്ത്യ vs ദക്ഷിണാഫ്രിക്ക ടെസ്റ്റ്: ഒന്ന് ബൗള് ചെയ്യാമോ? ഭാജിയോട് രോഹിത്... പ്രതികരണം വൈറല്
ഇതേസമയം, നവംബര് മൂന്നിന് ആരംഭിക്കുന്ന ഇന്ത്യ - ബംഗ്ലാദേശ് ട്വന്റി-20 പരമ്പര താരത്തിന് നഷ്ടപ്പെടും. അടുത്തവര്ഷം ഓസ്ട്രേലിയയില് നടക്കുന്ന 2020 ട്വന്റി-20 ലോകകപ്പില് ഇന്ത്യയുടെ നിര്ണായക പോരാളിയാകും ഹാര്ദ്ദിക്. കരിയറില് ഇതുവരെ 11 ടെസ്റ്റുകളും 54 ഏകദിനങ്ങളും 40 ട്വന്റി-20 മത്സരങ്ങളും താരം കളിച്ചിട്ടുണ്ട്.