ലോകകപ്പ്: കോലിയോ, ബുംറയോ അല്ല... ഇന്ത്യ ജയിക്കാന്‍ അവന്‍ കൂടി വേണം, ശരിക്കും തുറുപ്പുചീട്ട്

പാണ്ഡ്യയാണ് ആ താരം

യുവ ഓള്‍റൗണ്ടര്‍ ഹര്‍ദിക് പാണ്ഡ്യയായിരിക്കും ഇന്ത്യയുടെ തുറുപ്പുചീട്ടെന്നു ശ്രീകാന്ത് ചൂണ്ടിക്കാട്ടി. ഓസീസിനെതിരേ നാലാമനായി ക്രീസിലെത്തിയ പാണ്ഡ്യ 27 പന്തില്‍ 48 റണ്‍സ് അടിച്ചുകൂട്ടിയിരുന്നു. ഓസീസിനെതിരായ കളിയില്‍ വഴിത്തിരിവായത് പാണ്ഡ്യയുടെ ഇന്നിങ്‌സായിരുന്നുവെന്ന് ശ്രീകാന്ത് അഭിപ്രായപ്പെട്ടു.
ഇന്ത്യയുടെ ആയുധം പാണ്ഡ്യയായിരുന്നു. ഓസീസിന് ഇല്ലാതിരുന്നതും അതു തന്നെയായിരുന്നു. ഇംഗ്ലണ്ട് ടീമില്‍ പാണ്ഡ്യയെപ്പോലുള്ള ഒന്നിലേറെ കളിക്കാരുണ്ടെന്നും മുന്‍ നായകന്‍ വിശദമാക്കി.

വിക്കറ്റ് വേണമെന്നില്ല

ഓസീസിനെതിരേ പാണ്ഡ്യ വിക്കറ്റൊന്നും നേടിയിട്ടില്ലായിരിക്കാം. പക്ഷെ അതു വിഷയമല്ല. ടൂര്‍ണമെന്റ് കഴിയുമ്പോഴേക്കും നിരവധി വിക്കറ്റുകള്‍ പാണ്ഡ്യ നേടുമെന്നുറപ്പാണ്. കഴിഞ്ഞ മല്‍സരത്തില്‍ ബാറ്റിങില്‍ താരം നല്‍കിയ സംഭാവന വളരെ വലുതാണ്. ഇന്ത്യയെ 350 കടത്താന്‍ സഹായിച്ചതും പാണ്ഡ്യയുടെ പ്രകടനമാണ്.
ലോകേഷ് രാഹുലിനു പകരം നാലാം നമ്പര്‍ പൊസിഷനിലേക്കു പ്രൊമോഷന്‍ നല്‍കിയത് പാണ്ഡ്യയുടെ ആത്മവിശ്വാസം വര്‍ധിപ്പിച്ചു. ഇതാണ് താരത്തെ അത്തരമൊരു പ്രകടനം പുറത്തെടുക്കാന്‍ സഹായിച്ചതെന്നും ശ്രീകാന്ത് വിശദമാക്കി.

ഇന്ത്യയുടെത് ഗംഭീര തുടക്കം

ലോകകപ്പില്‍ ഗംഭീര തുടക്കമാണ് ഇന്ത്യക്കു ലഭിച്ചിരിക്കുന്നതെന്നു ശ്രീകാന്ത് വിശദമാക്കി. ഇന്ത്യയുടെ ഇതുവരെയുള്ള പ്രകടനം വളരെ മികച്ചത് തന്നെയാണ്.
ബാറ്റ്‌സ്മാന്‍മാര്‍ റണ്‍സ് നേടുന്നുണ്ട്. ബൗളര്‍മാര്‍ക്കു വിക്കറ്റും ലഭിക്കുന്നുണ്ട്. ഓസ്‌ട്രേലിയക്കെതിരേ രണ്ടു റണ്ണൗട്ടുകളും ഇന്ത്യ നടത്തി. ഇന്ത്യന്‍ ക്യാംപില്‍ കാര്യങ്ങളെല്ലാം ശരിയായി വരുന്നുവെന്നതിന്റെ ഏറ്റവും വലിയ തെളിവാണിതെന്നും ശ്രീകാന്ത് പറയുന്നു.