Click it and Unblock the Notifications
എന്തുകൊണ്ട് ഷമിയില്ല?
പേസര്‍ മുഹമ്മദ് ഷമിയെ ഇന്ത്യയുടെ പ്ലെയിങ് ഇലവനില്‍ നിന്നു മാറ്റിനിര്‍ത്തിയതിനെയാണ് ഭാജി ചോദ്യം ചെയ്തത്. സ്റ്റാര്‍ സ്‌പോര്‍ട്‌സ് ചാനലില്‍ പ്രീഷോയില്‍ സംസാരിക്കുകയായിരുന്നു അദ്ദേഹം.
എന്തുകൊണ്ട് കോലിയും ടീം മാനേജ്‌മെന്റും ഇങ്ങനെയൊരു തീരുമാനമെടുത്തെന്നറിയില്ല. നവദീപ് സെയ്‌നിയെ ഉള്‍പ്പെടുത്തിയതിനെ എതിര്‍ക്കുന്നില്ല. പക്ഷെ സെയ്‌നി ടീമില്‍ എത്തേണ്ടിയിരുന്നത് ശര്‍ദ്ദുല്‍ താക്കൂറിന് പകരമായിരുന്നുവെന്നും ഭാജി ചൂണ്ടിക്കാട്ടി. ആദ്യ കളിയില്‍ ഒമ്പതോവറില്‍ താക്കൂര്‍ 80 റണ്‍സ് വഴങ്ങിയിരുന്നു.
വിശ്രമമെന്നു കോലി
ഷമിയെ രണ്ടാം ഏകദിനത്തിനുള്ള ടീമില്‍ നിന്നൊഴിവാക്കിയതല്ലെന്നും മറിച്ചു വിശ്രമം നല്‍കിയതാണെന്നുമായിരുന്നു ടോസിനു ശേഷം ഇന്ത്യന്‍ നായകന്‍ വിരാട് കോലി പറഞ്ഞത്.
ഷമിക്കു വിശ്രമം നല്‍കിയിരിക്കുകയാണ്. ന്യൂസിലാന്‍ഡിനെതിരേയുള്ള ടെസ്റ്റ് പരമ്പര വരാനിരിക്കുകയാണ്. ടെസ്റ്റില്‍ തങ്ങളുടെ സ്ഥിരം ബൗളര്‍മാരില്‍ ഒരാളാണ് ഷമിയെന്നുമായിരുന്നു കോലി വിശദമാക്കിയത്.
രണ്ടാം ഏകദിനത്തിലെ ഇന്ത്യന്‍ ടീം
മായങ്ക് അഗര്‍വാള്‍, പൃഥ്വി ഷാ, വിരാട് കോലി (ക്യാപ്റ്റന്‍), ശ്രേയസ് അയ്യര്‍, ലോകേഷ് രാഹുല്‍, കേദാര്‍ ജാദവ്, രവീന്ദ്ര ജഡേജ, യുസ്വേന്ദ്ര ചഹല്‍, നവദീപ് സെയ്‌നി, ജസ്പ്രീത് ബുംറ, ശര്‍ദ്ദുല്‍ താക്കൂര്‍.
