എല്ലായ്പ്പോഴും വളരെ സ്മാര്ട്ടായ ക്രിക്കറ്ററാണ് കോലി. ടി20 കരിയര് ഇത്രയും വിജയകരമായി അദ്ദേഹം മാറ്റിയെടുക്കാനുള്ള പ്രധാന കാരണം മികച്ച ഫിറ്റ്നസ് തന്നെയാണെന്നു ഗംഭീര് സ്റ്റാര് സ്പോര്ട്സിന്റെ ഷോയില് അഭിപ്രായപ്പെട്ടു.
ക്രിസ് ഗെയ്ലിനുള്ള കരുത്തും എബി ഡിവില്ലിയഴ്സിനുള്ള ശേഷിയും കോലിക്ക് ഇല്ലെന്നു കാണാം. ജാക്വിസ് കാലിസ്, ബ്രയാന് ലാറ എന്നിവരുടെ ശേഷിയും കോലിക്ക് ഇല്ലെന്നു ഗംഭീര് നിരീക്ഷിച്ചു.
ഇപ്പോള് കോലിയുടെ ഏറ്റവും വലിയ കരുത്ത് ഫിറ്റ്നസ് തന്നെയാണ്. ഇതു തന്റെ ഗെയിമിലേക്കും അദ്ദേഹം കൊണ്ടുവന്നു. ഇത്രയും മികച്ച നേട്ടങ്ങള് കൊയ്യാന് കോലിയെ സഹായിക്കുന്നതും ഈ ഫിറ്റ്നസ് തന്നെയാണ്.
വിക്കറ്റുകള്ക്കിടയിലൂടെ നന്നായി ഓടാനുള്ള കഴിവ് കോലിക്കുണ്ടെന്നതാണ് വളരെ പ്രധാനപ്പെട്ട കാര്യം. മറ്റു പല താരങ്ങള്ക്കും ഇല്ലാത്തത് ഈ കഴിവാണെന്നു 2007ലെ ടി20 ലോകകപ്പ്, 2011ലെ ഏകദിന ലോകകപ്പ് എന്നിവയില് ജേതാക്കളായ ഇന്ത്യന് ടീമിന്റെ ഭാഗമായിരുന്ന ഗംഭീര് വിലയിരുത്തി.
നേരിടുന്ന എല്ലാ പന്തിലും സ്ട്രൈക്ക് റൊട്ടേറ്റ് ചെയ്യാന് കോലിക്കു കഴിയും. മറ്റു ബാറ്റ്സ്മാന്മാരും അദ്ദേഹവും തമ്മിലുള്ള പ്രധാനപ്പെട്ട വ്യത്യാസവും ഇതാണെന്ന് ഗംഭീര് പറഞ്ഞു.
ടീമംഗമായ രോഹിത് ശര്മയേക്കാള് സ്ഥിരത പുലര്ത്തുന്ന ബാറ്റ്സ്മാന് കോലിയാണെന്ന് ഗംഭീര് ചൂണ്ടിക്കാട്ടി. സ്ട്രൈക്ക് റൊട്ടേറ്റ് ചെയ്യാന് കോലിക്കുള്ള കഴിവാണ് ഇതിനു കാരണമെന്നും അദ്ദേഹം സൂചിപ്പിച്ചു.
രോഹിത്തിന് വലിയ ഷോട്ടുകള് കളിച്ച് റണ്സെടുക്കാന് അനായാസം കഴിയും. എന്നാല് സ്ട്രൈക്ക് റൊട്ടേറ്റ് ചെയ്യുന്ന കാര്യത്തില് കോലിയോളം മിടുക്ക് അദ്ദേഹത്തിന് ഇല്ല. ഗെയ്ല്, ഡിവില്ലിയേഴ്സ് എന്നിവര്ക്കും കോലിയെപ്പോലെ സ്ട്രൈക്ക് റൊട്ടേറ്റ് ചെയ്ത് കളിക്കാന് അറിയില്ല, പ്രത്യേകിച്ചും സ്പിന്നര്മാര്ക്കെതിരേ. എന്നാല് അതിനു സാധിക്കുന്നത കൊണാണ് കോലിക്കു 50ന് മുകളില് ബാറ്റിങ് ശരാശരിയുള്ളതെന്നു ഗംഭീര് അഭിപ്രായപ്പെട്ടു.