മിന്നും ഫോം, ദുലീപ് ട്രോഫി കിരീടം.. ഇനി എന്ത് വേണം ക്യാപ്റ്റന്‍ വിരാട് കോലി ഗൗതം ഗംഭീറിനെ കാണാന്‍?

ഗംഭീറിന്റെ സ്‌കോറുകള്‍

ബുധനാഴ്ച സമാപിച്ച ദുലീപ് ട്രോഫിയില്‍ തകര്‍പ്പന്‍ പ്രകടനമാണ് ഗൗതം ഗംഭീര്‍ കാഴ്ചവെച്ചത്. 94, 36, 90, 59, 77 എന്നിങ്ങനെയായിരുന്നു ഗംഭീറിന്റെ സ്‌കോറുകള്‍. തീര്‍ച്ചയായും ന്യൂസിലന്‍ഡ് പരമ്പരയ്ക്ക് ഒരു വിളി ഗംഭീര്‍ അര്‍ഹിച്ചിരുന്നു.

എതിര്‍ത്തത് വിരാട് കോലി

പ്രതീക്ഷിച്ചത് പോലെ തന്നെ ഓപ്പണര്‍ സ്ഥാനത്തേക്ക് ഗംഭീറിന്റെ പേര് സെലക്ടര്‍മാര്‍ ചര്‍ച്ചയ്‌ക്കെടുത്തിരുന്നു എന്നാണ് അറിയുന്നത്. എന്നാല്‍ ക്യാപ്റ്റന്‍ വിരാട് കോലിയും കോച്ച് അനില്‍ കുംബ്ലെയും ഗംഭീര്‍ ടീമിലെത്തുന്നതിനെ എതിര്‍ത്തു പോലും

എല്ലാം ധവാന് വേണ്ടി

ഫോമിലല്ലാത്ത ശിഖര്‍ ധവാന് വേണ്ടിയാണ് ക്യാപ്റ്റനും കോച്ചും ഗൗതം ഗംഭീറിനെ കൈവിട്ടത് എന്നതാണ് ഇതിലെ രസകരമായ കാര്യം. ഇന്ത്യന്‍ ടീമില്‍ സ്ഥാനം ഉറപ്പിക്കാന്‍ ധവാന് ഒരു മികച്ച പരമ്പര കൂടിയേ തീരൂ

ഗംഭീറിന് നിരാശയുണ്ട്

സെലക്ഷന്‍ വാര്‍ത്തകളില്‍ നിരാശനായ ഗംഭീര്‍ ട്വിറ്ററില്‍ കുറിച്ചത് ഇങ്ങനെ - എനിക്ക് നിരാശയുണ്ട്. പക്ഷേ എന്നെ തോല്‍പിക്കാനാവില്ല. എനിക്ക് ആശങ്കയുണ്ട് പക്ഷേ ഞാനൊരു ഭീരുവല്ല. ധൈര്യമാണ് എന്റെ അഭിമാനം, ഞാന്‍ പോരാട്ടം തുടര്‍ന്നുകൊണ്ടേയിരിക്കും.

സെലക്ടര്‍മാര്‍ക്ക് പൊങ്കാല

നേരത്തെ ന്യൂസിലന്‍ഡിനെതിരായ ടീമില്‍ ഗംഭീറിന് ഇടം കൊടുക്കാതിരുന്ന സെലക്ടര്‍മാരെ ട്വിറ്ററില്‍ ഇന്ത്യന്‍ ആരാധകര്‍ക്ക് കടുത്ത ഭാഷയില്‍ വിമര്‍ശിച്ചിരുന്നു. 34 കാരനായ ഗംഭീര്‍ ഇന്ത്യയ്ക്ക് വേണ്ടി 56 ടെസ്റ്റുകളും 147 ഏകദിനവും 37 ട്വന്റി 20 മത്സരങ്ങളും കളിച്ചു.