2013ലെ രഞ്ജി മല്സരം
2013ല് നടന്ന രഞ്ജി ട്രോഫിക്കിടെയാണ് ബുംറയുടെ പ്രതിഭ താന് തിരിച്ചറിഞ്ഞതെന്നു യുവി വെളിപ്പടുത്തി. അന്നു ബുംറയ്ക്കെതിരേ ബാറ്റ് ചെയ്യാന് അവസരം ലഭിച്ചിരുന്നു. അപ്പോഴാണ് ടെസ്റ്റിലും ഇന്ത്യന് ബൗളിങിന്റെ പേസ് സെന്സേഷനായി ബുംറ മാറുമെന്നു തിരിച്ചറിഞ്ഞതെന്നും യുവി കൂട്ടിച്ചേര്ത്തു.
ബുംറ ക്ലാസ് ബൗളര്
ബുംറ ശരിക്കുമൊരു ക്ലാസ് ബൗളര് തന്നെയാണ്. അദ്ദേഹത്തെപ്പോലുള്ള ബൗളര് എല്ലായ്പ്പോഴും പിറവിയെടുക്കില്ലെന്നും യുവി ചൂണ്ടിക്കാട്ടി. മൊഹാലിയിലെ പിസിഎ സ്റ്റേഡിയത്തില് നടന്ന കളിയിലാണ് ഗുജറാത്തിനെതിരേ ആദ്യമായി ബുംറയ്ക്കെതിരേ ബാറ്റ് ചെയ്തത്. താരത്തിന്റെ അപകടകരമായനാലോവറകളുംഅന്നു നേരിട്ടു. ടെസ്റ്റില് ഭാവിയില് ഇന്ത്യയുടെ ഏറ്റവും മികച്ച പേസറായി ബുംറ മാറുമെന്ന് അന്നു തന്നെ തോന്നിയിരുന്നെന്നും യുവി വിശദമാക്കി.
പലരും സംശയം പ്രകടിപ്പിച്ചു
വ്യത്യസ്ത ബൗളിങ് ആക്ഷനായതിനാല് തന്നെ ബുംറയ്ക്കു ടെസ്റ്റില് മികച്ച പ്രകടനം പുറത്തെടുക്കാന് കഴിയുമോയെന്നു നേരത്തേ പലരും സംശയം പ്രകടിപ്പിച്ചിരുന്നാതായി യുവി പറഞ്ഞു. എന്നാല് വിമര്ശനങ്ങളോടു പ്രതികരിക്കാതിരുന്ന അവന് മിന്നുന്ന പ്രകടനത്തിലൂടെയാണ് ഇവയ്ക്കു മറുപടി നല്കിയത്. ഇപ്പോള് ആധുനിക ക്രിക്കറ്റിലെ മറ്റു ബൗളര്മാരേക്കാള് ഒരു പടി മുകളിലാണ് ബുംറയുടെ സ്ഥാനമെന്നും യുവി ചൂണ്ടിക്കാട്ടി.
കണ്ടെത്തിയത് ജോണ് റൈറ്റ്
ഇന്ത്യയുടെ മുന് കോച്ചായ ജോണ് റൈറ്റാണ് ബുംറയുടെ പ്രതിഭയെ തിരിച്ചറിയുന്നത്. അന്നു മുംബൈ ഇന്ത്യന്സിനൊപ്പം പ്രവര്ത്തിക്കുകയായിരുന്നു അദ്ദേഹം. റൈറ്റിന്റെ നിര്ദേശത്തെ തുടര്ന്ന് 2013ല് ബുംറ ഐപിഎല്ലില് മുംബൈ ടീമിന്റെ ഭാഗമാവുകയായിരുന്നു.
2016ല് ഇന്ത്യക്കു വേണ്ടി ടി20, ഏകദിനം എന്നിവയില് അരങ്ങേറിയ പേസര്ക്കു ടെസ്റ്റില് കളിക്കാന് രണ്ടു വര്ഷം കൂടി കാത്തിരിക്കേണ്ടി വന്നു. 2018ലെ ദക്ഷിണാഫ്രിക്കന് പര്യടനത്തിലൂടെയായിരുന്നു ബുംറയുടെ ടെസ്റ്റ് അരങ്ങേറ്റം. ഇതുവരെ 12 ടെസ്റ്റുകളില് നിന്നും 61 വിക്കറ്റുകള് താരം വീഴ്ത്തിക്കഴിഞ്ഞു.