Click it and Unblock the Notifications
രോഹിത് തന്നെ
രാജ്യം കണ്ട എക്കാലത്തെയും മികച്ച ഓപ്പണര്‍മാരില്‍ ഒരാളായ സെവാഗുമായി താരതമ്യം ചെയ്യുമ്പോള്‍ രോഹിത്താണ് മുന്നിലെന്ന് അക്തര്‍ ഉറപ്പിച്ചു പറയുന്നു. ഇതിന്റെ കാരണവും അദ്ദേഹം ചൂണ്ടിക്കാട്ടുന്നു.
ബാറ്റിങ് ടെക്‌നിക്കിന്റെ കാര്യത്തിലാണ് രോഹിത് സെവാഗിനേക്കാള്‍ മുന്നിലെന്നും അക്തര്‍ പറയുന്നു.
മൂന്നു ഫോര്‍മാറ്റിലും ഒരു പോലെ സ്‌പെഷ്യലിസ്റ്റ് ബാറ്റ്‌സ്മാനായി മാറാനാണ് രോഹിത് ആഗ്രഹിച്ചിരുന്നതെന്നും ഇപ്പോഴാണ് ആ സമയമെത്തിയതെന്നും റാവല്‍പിണ്ടി എക്‌സ്പ്രസ് അഭിപ്രായപ്പെട്ടു.
മികച്ച ടൈമിങ്
രോഹിത്തിന്റെ ടൈമിങിനെ അക്തര്‍ പുകഴ്ത്തി. വ്യത്യസ്തമായ ഷോട്ടുകള്‍ താരത്തിന്റെ ആവനാഴിയിലുണ്ട്. അവ വളരെ കൃത്യമായി പ്രയോഗിക്കാന്‍ അദ്ദേഹത്തിനാവും. നേരത്തേ ടെസ്റ്റിനോട് രോഹിത്തിന് അത്ര പാഷന്‍ ഇല്ലായിരുന്നു.
എന്നാല്‍ ഇപ്പോള്‍ എല്ലാ ഫോര്‍മാറ്റിലും സ്‌പെഷ്യലിസ്റ്റായി മാറണമെന്ന് താരം ആഗ്രഹിക്കുന്നു. ദക്ഷിണാഫ്രിക്കയ്‌ക്കെതിരേയുള്ള ആദ്യ ടെസ്റ്റില്‍ ഇതു മനസ്സില്‍ വച്ചാണ് അദ്ദേഹം കളിച്ചത്. അതിനു ഫലം കാണുകയും ചെയ്തുവെന്നും അക്തര്‍ കൂട്ടിച്ചേര്‍ത്തു.
2013ല്‍ തിരിച്ചറിഞ്ഞു
രോഹിത്തിന്റെ യഥാര്‍ഥ മികവ് 2013ല്‍ താന്‍ തിരിച്ചറിഞ്ഞിരുന്നതായി അക്തര്‍ പറയുന്നു. അന്ന് രോഹിത്തിന് പുതിയൊരു പേരും താന്‍ നിര്‍ദേശിച്ചിരുന്നു. പേരിന് മുന്നില്‍ ഗ്രേറ്റെന്നു സൂചിപ്പിക്കുന്ന ജി കൂടി ചേര്‍ക്കണമെന്ന് അദ്ദേഹത്തോടു തമാശയായി പറഞ്ഞിരുന്നു. ഇന്ത്യയുടെ ഏറ്റവും മികച്ച ബാറ്റ്‌സ്മാന്‍ താനാണെന്ന് മനസ്സില്‍ ആവര്‍ത്തിച്ച് രോഹിത്തിനോട് കളിക്കാനും ആവശ്യപ്പെട്ടതായി അക്തര്‍ കൂട്ടിച്ചേര്‍ത്തു.
തകര്‍പ്പന്‍ പ്രകടനം
ദക്ഷിണാഫ്രിക്കയ്‌ക്കെതിരേ ഇന്ത്യ ജയിച്ച ഒന്നാം ടെസ്റ്റില്‍ രോഹിത് കത്തിക്കയറുകയായിരുന്നു. ഓപ്പണറായുള്ള വരവ് ഇതിനേക്കാള്‍ നന്നായി ആഘോഷിക്കാന്‍ അദ്ദേഹത്തിനാവില്ല. ആദ്യ ഇന്നിങ്‌സില്‍ 176 റണ്‍സ് അടിച്ചെടുത്ത ഹിറ്റ്മാന്‍ ഓപ്പണിങ് വിക്കറ്റില്‍ മായങ്ക് അഗര്‍വാളിനൊപ്പം 317 റണ്‍സിന്റെ കൂട്ടുകെട്ടുമുണ്ടാക്കിയിരുന്നു. രണ്ടാമിന്നിങ്‌സില്‍ അതിവേഗം 127 റണ്‍സും ഹിറ്റ്മാന്‍ വാരിക്കൂട്ടി. ഇതോടെ ഓപ്പണറായി അരങ്ങേറ്റ മല്‍സരത്തില്‍ തന്നെ രണ്ടിന്നിങ്‌സുകളിലും സെഞ്ച്വറി നേടിയ ആദ്യ താരമായും രോഹിത് മാറിയിരുന്നു.
