മോര്ഗന് കീഴില് ലോകകപ്പ്
കഴിഞ്ഞ വര്ഷം നാട്ടില് നടന്ന ഐസിസിയുടെ ഏകദിന ലോകകപ്പില് ഇംഗ്ലണ്ടിനെ കിരീടത്തിലേക്കു നയിച്ച ക്യാപ്റ്റനാണ് മോര്ഗന്. ഇംഗ്ലണ്ടിന്റെ കന്നി ഏകദിന ലോകകപ്പ് നേട്ടം കൂടിയായിരുന്നു 2019ലേത്. അത്യധികം ആവേശകരമായ ഫൈനലില് ന്യൂസിലാന്ഡിനെ മറികടന്നായിരുന്നു ഇംഗ്ലീഷുകാരുടെ ലോകകപ്പ് വിജയം.
നാലു വര്ഷങ്ങള്ക്കു മുമ്പ് നടന്ന ഐസിസിയുടെ ടി20 ലോകകപ്പില് മോര്ഗന് ഇംഗ്ലണ്ടിനെ ഫൈനലില് എത്തിച്ചിരുന്നു. അന്നു വെസ്റ്റ് ഇന്ഡീസിനോട് ഇംഗ്ലണ്ട് തോല്ക്കുകയായിരുന്നു.
കോലിയുടെ കുതിപ്പ്
2017ലാണ് കോലി ഇന്ത്യയുടെ നിശ്ചിത ഓവര് ടീം നായകസ്ഥാനമേറ്റെടുത്തത്. ഇതേ വര്ഷം നടന്ന ഐസിസിയുടെ ചാംപ്യന്സ് ട്രോഫിയില് ടീമിനെ ഫൈനലിലെത്തിക്കാന് അദ്ദേഹത്തിനു സാധിച്ചു. ഇതുകൂടാതെ ദക്ഷിണാഫ്രിക്ക, ന്യൂസിലാന്ഡ്, ഓസ്ട്രേലിയ എന്നീവിടങ്ങളില് ടീമിന് ഏകദിന പരമ്പര നേടിത്തരാനും കോലിക്കു കഴിഞ്ഞു.
കഴിഞ്ഞ വര്ഷം നടന്ന ഐസിസിയുടെ ഏകദിന ലോകകപ്പില് ഇന്ത്യയെ ഫൈനലിലെത്തിച്ചത് അദ്ദേഹത്തിന്റെ മറ്റൊരു വലിയ നേട്ടമാണ്.
വില്ല്യംസണും കിവീസും
ന്യൂസിലാന്ഡിനെ പഴയ പ്രതാപത്തിലേക്കു തിരികെ കൊണ്ടു വന്ന ക്യാപ്റ്റനാണ് വില്ല്യംസണ്. കളിക്കളത്തില് വളരെ കൂളും അതോടൊപ്പം തന്ത്രശാലിയുമായ ക്യാപ്റ്റനാണ് താനെന്നു അദ്ദേഹം ഇതിനകം തെളിയിച്ചു കഴിഞ്ഞു. കഴിഞ്ഞ വര്ഷത്തെ ഏകദിന ലോകകപ്പില് ആരും കാര്യമായ സാധ്യത കല്പ്പിക്കാത്ത ടീമായിരുന്നു കിവീസ്. എന്നാല് അവരെ ഫൈനലിലെത്തിച്ച് വില്ല്യംസണ് എല്ലാ കണക്കുകൂട്ടലുകളും തെറ്റിച്ചു. നിര്ഭാഗ്യം കൊണ്ടു മാത്രമാണ് കന്നി ലോകകപ്പ് അദ്ദേഹത്തിന്റെ കൈപ്പിടിയില് നിന്നു വഴുതിപ്പോയത്. ഫൈനല് ടൈയില് കലാശിപ്പപ്പോള് കൂടുതല് ബൗണ്ടറികള് നേടിയ ടീമെന്ന നിലയില് ഇംഗ്ലണ്ട് ലോകകപ്പ് പിടിച്ചെടുക്കുകയായിരുന്നു.
വില്ല്യംസണ് തന്നെ
നിലവില് ലോകത്തിലെ തന്നെ ഏറ്റവും മികച്ച നിശ്ചിത ഓവര് ടീം ക്യാപ്റ്റനാര് എന്ന ചോദ്യത്തിന് വില്ല്യംസണിന്റെ മറുപടി ഒന്നു മാത്രമായിരുന്നു. വില്ല്യംസണിനെയാണ് അദ്ദേഹം ഏറ്റവും മികച്ച നായകനായി തിരഞ്ഞെടുത്തത്.