Click it and Unblock the Notifications
ഓസ്ട്രേലിയ നേടും
ഓസ്ട്രേലിയ തന്നെ ഇത്തവണയും ലോക ചാംപ്യന്മാരാവുമെന്നാണ് ഗില്ക്രിസ്റ്റിന്റെ പ്രവചനം. വളരെ ശക്തമായ ടീമാണ് ഓസീസിനുള്ളത്. സമീപകാലത്തെ മികച്ച പ്രകടനങ്ങള് അവരുടെ ആത്മവിശ്വാസം വര്ധിപ്പിക്കുന്നതാണ്.
11 ലോകകപ്പുകളില് അഞ്ചിലും ഓസീസ് ജേതാക്കളായി. മറ്റൊരു ലോകകപ്പ് കൂടി ഓസീസ് നേടാതിരിക്കാന് മറ്റൊരു കാരണവും താന് കാണുന്നില്ലെന്നും ഗില്ലി ഒരു പ്രൊമോഷണല് ചടങ്ങില് സംസാരിക്കവെ പറഞ്ഞു.
സ്മിത്തിന്റെയും വാര്ണറുടെയും വരവ്
മുന് നായകന് സ്റ്റീവ് സ്മിത്തും ഡേവിഡ് വാര്ണറും വിലക്ക് കഴിഞ്ഞ് തിരിച്ചെത്തിത് ഓസീസിന്റെ കരുത്ത് വര്ധിപ്പിച്ചതായി ഗില്ലി ചൂണ്ടിക്കാട്ടി. സ്മിത്തും വാര്ണറും കൂടി ചേരുന്നതോടെ ഓസീസ് കംപ്ലീറ്റ് ടീമായി മാറി. ആരെയും പരാജയപ്പെടുത്താനുള്ള ശേഷി ഇപ്പോള് അവര്ക്കുണ്ട്.
കഴിഞ്ഞ വര്ഷം ഇതേ സമയത്ത് കണ്ട ഓസ്ട്രേലിയയല്ല ഇപ്പോള് ലോകകപ്പില് ഇറങ്ങുന്ന ഓസീസ്. അതു തന്നെയാണ് ഏറ്റവും വലിയ ഹൈലൈറ്റെന്നും സൂപ്പര് താരം വിശദമാക്കി.
ഇംഗ്ലണ്ട് മികച്ച ടീം
നേരത്തേ ഓസ്ട്രേലിയയുടെ മുന് നായകരായ സ്റ്റീവ് വോയും റിക്കി പോണ്ടിങും കിരീട ഫേവറിറ്റുകളായി തിരഞ്ഞെടുത്തത് ആതിഥേയരും ലോക ഒന്നാം റാങ്കുകാരുമായ ഇംഗ്ലണ്ടിനെയായിരുന്നു. ഗില്ലിക്കും ഇംഗ്ലീഷ് ടീമിനെക്കുറിച്ച് തികഞ്ഞ മതിപ്പാണുള്ളത്.
നിലവില് ഏകദിനത്തിലെ ഏറ്റവും മികച്ച ടീമുകളിലൊന്നാണ് ഇംഗ്ലണ്ട്. അവരെക്കുറിച്ച് വലിയ പ്രതീക്ഷകളാണ് എല്ലാവര്ക്കുമുള്ളത്. വളരെ ശക്തമായ, സന്തുലിതമായ ടീമിനെ തന്നെയാണ് ഇംഗ്ലണ്ട് ഇറക്കുന്നതെന്നും ഗില്ലി പറഞ്ഞു.
Continue with Google