ഓസ്ട്രേലിയക്കല്ല, ഇംഗ്ലണ്ടിന്
ഓസ്ട്രേലിയ ഇത്തവണ ലോകകപ്പ് നിലനിര്ത്തില്ലെന്നാണ് പോണ്ടിങിന്റെ പ്രവചനം. ഇംഗ്ലണ്ടായിരിക്കും പുതിയ ലോക ചാംപ്യന്മാരെന്നും അദ്ദേഹം ചൂണ്ടിക്കാട്ടുന്നു.
ഇംഗ്ലണ്ട് തന്നെ വിജയിക്കുമെന്ന് പറയാന് രണ്ടു കാരണങ്ങളാണുള്ളത്. ആദ്യത്തേത് നിശ്ചിത ഓവര് ക്രിക്കറ്റില് അവര് മികച്ച പ്രകടനമാണ് നടത്തിക്കൊണ്ടിരിക്കുന്നത്. രണ്ടാമത്തേത് ടൂര്ണമെന്റ് അവരുടെ നാട്ടിലാണ്. അതു തീര്ച്ചയായും ഇംഗ്ലണ്ടിനു മുതല്ക്കൂട്ടാണെന്നും പോണ്ടിങ് ചൂണ്ടിക്കാട്ടി.
രണ്ടു ടീമിന് കൂടി സാധ്യത
ഇംഗ്ലണ്ടിനു ലോകകപ്പ് നേടുക എളുപ്പമാവില്ല. ഓസ്ട്രേലിയ, ഇന്ത്യ എന്നിവരില് നിന്നും ശക്തമായ വെല്ലുവിളി തന്നെ നേരിടേണ്ടിവരും. പാകിസ്താനെയും ലോകകപ്പില് സൂക്ഷിക്കേണ്ടിയിരിക്കുന്നു. ദക്ഷിണാഫ്രിക്ക, വെസ്റ്റ് ഇന്ഡീസ് എന്നിവരെയും എഴുതിത്തള്ളാനാവില്ല.
ഈ ലോകകപ്പ് വളരെ ഓപ്പണായിരിക്കുമെന്നാണ് തോന്നുന്നത്. ഇംഗ്ലണ്ട് തന്നെയാണ് കിരീട ഫേവറിറ്റഫുകളെങ്കിലും അട്ടിമറികള് സൃഷ്ടിക്കാന് ശേഷിയുള്ള ചില ശക്തരായ ടീമുകള് കൂടി ടൂര്ണമെന്റിലുണ്ടെന്നും പോണ്ടിങ് ചൂണ്ടിക്കാട്ടി.
ഗിന്നസ് റെക്കോര്ഡിന് അവകാശി
ആധുനിക ക്രിക്കറ്റിലെ ഏറ്റവും മികച്ച ക്യാപ്റ്റനെന്നു വിശേഷിപ്പിക്കപ്പെടുന്ന പോണ്ടിങ് ഒരു ഗിന്നസ് റെക്കോര്ഡിനും അവകാശിയാണ്. ക്യാപ്റ്റനെന്ന നിലയില് ഒന്നിലേറെ ലോകകപ്പ് നേടിയ രണ്ടാമത്തെ താരമെന്ന റെക്കോര്ഡ് അദ്ദേഹത്തിന്റെ പേരിലാണ്. 2003, 07 എന്നിങ്ങനെ തുടര്ച്ചയായി രണ്ടു തവണ പോണ്ടിങിന്റെ ക്യാപ്റ്റന്സിയില് ഓസീസ് ലോക ചാംപ്യന്മാരായിട്ടുണ്ട്.
1975, 79 വര്ഷങ്ങളില് വെസ്റ്റ് ഇന്ഡീസിനു ലോകകപ്പ് നേടിക്കൊടുത്ത ക്ലൈവ് ലോയ്ഡിനൊപ്പമാണ് പോണ്ടിങ് റെക്കോര്ഡ് പങ്കിടുന്നത്.