മിക്സഡ് മാര്ഷ്യല് ആര്ട്സ് താരം കോണര് മഗ്രിഗറാണ് തലപ്പത്ത്. 32കാരനായ അദ്ദേഹം അയര്ലന്ഡുകാരനാണ്.2020 ജനുവരി മുതല് 22 മില്യന് ഡോളറാണ് മഗ്രിഗറിന്റെ സമ്പാദ്യമെന്നാണ് ഫോബ്സ് കണക്കുകള് പറയുന്നത്. 180 മില്യണ് ഡോളറാണ് അദ്ദേഹത്തിന്റെ കഴിഞ്ഞ 12 മാസത്ത സമ്പാദ്യം. കളത്തിനകത്തെ പ്രതിഫല കണക്കുകള് മാത്രമാണിത്. മെയ് 1 2020 മുതല് മെയ് 1 2021 വരെ താരങ്ങള്ക്ക് ലഭിച്ച സമ്മാനത്തുകയടക്കം ഇതില് ഉള്പ്പെടും.
രണ്ടാം സ്ഥാനത്ത് ബാഴ്സലോണയുടെ അര്ജന്റൈന് ഫുട്ബോള് ഇതിഹാസം ലയണല് മെസ്സിയാണ്. ഈ വര്ഷത്തോടെ ബാഴ്സയുമായി കരാര് അവസാനിക്കുന്ന മെസ്സിക്ക് പോയവര്ഷത്തെ സമ്പാദ്യം 130 മില്യന് ഡോളറാണ്. ഇത്തവണ മെസ്സി ബാഴ്സലോണ വിടുമെന്നാണ് പൊതുവേയുള്ള വിലയിരുത്തല്. മൂന്നാം സ്ഥാനത്ത് യുവന്റസിന്റെ പോര്ച്ചുഗല് സ്ട്രൈക്കര് ക്രിസ്റ്റിയാനോ റൊണാള്ഡോയാണ്. 120 ദശലക്ഷം ഡോളറാണ് റൊണാള്ഡോയുടെ പോയവര്ഷത്തെ പ്രതിഫലം.
അമേരിക്കന് ഫുട്ബോള് ഡല്ലാസ് കൗബോയിയുടെ ക്വാര്ട്ടര്ബാക്കായ ഡാക്ക് പ്രസ്കോട്ടാണ് നാലാം സ്ഥാനത്ത്. 107.5 മില്യണ് ഡോളറാണ് അദ്ദേഹത്തിന്റെ പ്രതിഫലം. അഞ്ചാം സ്ഥാനത്ത് അമേരിക്കയുടെ ബാസ്കറ്റ്ബോള് താരം ലിബ്രോന് ജെയിംസാണ്. 36കാരനായ താരത്തിന് ലഭിച്ച പ്രതിഫലം 96.5 ദശലക്ഷം ഡോളറാണ്.
ആറാം സ്ഥാനത്ത് പിഎസ്ജിയുടെ ബ്രസീല് സ്ട്രൈക്കര് നെയ്മറാണ്.29കാരനായ താരത്തിന് 95 ദശലക്ഷം ഡോളറാണ് പ്രതിഫലമായി ലഭിച്ചത്. സാമൂഹ്യ മാധ്യമങ്ങളില് വലിയ ആരാധക പിന്തുണയുള്ള താരമാണ് നെയ്മര്. ഏഴാം സ്ഥാനത്ത് സ്വിസര്ലന്ഡിന്റെ ടെന്നിസ് ഇതിഹാസം റോജര് ഫെഡററാണ്. 90 ദശലക്ഷം ഡോളറാണ് അദ്ദേഹത്തിന്റെ പ്രതിഫലം.
അമേരിക്കയുടെ ഫോര്മുലവണ് കാര്ഡ്രൈവര് ലൂയിസ് ഹാമില്ട്ടനാണ് എട്ടാം സ്ഥാനത്ത്. മൈക്കല് ഷുമാക്കറുടെ ലോകകിരീട റെക്കോഡിനെ കടത്തിവെട്ടാനൊരുങ്ങുന്ന ഹാമില്ട്ടന് 82 ദശലക്ഷം ഡോളറാണ് പ്രതിഫലമായി ലഭിക്കുന്നത്. ഒമ്പതാം സ്ഥാനത്ത് അമേരിക്കന് ഫുട്ബോള് താരം ടോം ബ്രാഡിയാണ്. 76 ദശലക്ഷം ഡോളറാണ് അദ്ദേഹത്തിന്റെ പ്രതിഫലം.10ാം സ്ഥാനത്ത് അമേരിക്കയുടെ കെവിന് ഡുറാന്റാണ്. 75 ദശലക്ഷം ഡോളറാണ് അദ്ദേഹത്തിന്റെ പ്രതിഫലം.