Click it and Unblock the Notifications
റസാഖിന്റെ വാക്കുകള്‍ ഇങ്ങനെ...
ഗ്ലെന്‍ മഗ്രാത്ത്, വസീം അക്രം തുടങ്ങി മഹാന്‍മാരായ പേസര്‍മാര്‍ക്കെതിരേ താന്‍ കളിച്ചിട്ടുണ്ട്. അതുകൊണ്ടു തന്നെ തനിക്കു മുന്നില്‍ ബുംറ വെറും കുട്ടി ബൗളറാണ്. അനായാസം ബുംറയ്‌ക്കെതിരേ ആധിപത്യം പുലര്‍ത്തി അറ്റാക്ക് ചെയ്തു കളിക്കാന്‍ തനിക്കു കഴിയുമെന്നും ക്രിക്കറ്റ് പാകിസ്താനു നല്‍കിയ അഭിമുഖത്തില്‍ റസാഖ് വ്യക്തമാക്കിയിരുന്നു.
ലോകോത്തര ബൗളര്‍മാരെ കളിച്ചിരുന്ന കാലഘട്ടത്തില്‍ നേരിട്ടിട്ടുണ്ട്. ബുംറയെപ്പോലുള്ള ബൗളറെ നേരിടാന്‍ തനിക്കൊരു പ്രശ്‌നവുമില്ല. സമ്മര്‍ദ്ദം തനിക്കല്ല, ബുംറയ്ക്കായിരിക്കുമെന്നും റസാഖ് പറഞ്ഞിരുന്നു.
|
മഗ്രാത്തിനെതിരേ റസാഖ്
മഗ്രാത്തിനെതിരേ കളിച്ചപ്പോഴുള്ള റസാഖിന്റെ പ്രകടനം ചൂണ്ടിക്കാട്ടിയാണ് ഒരു ആരാധകന്‍ റസാഖിനെ ട്രോളിയത്.
അബ്ദുള്‍ റസാഖ് vs ഗ്ലെന്‍ മഗ്രാത്ത്
ടെസ്റ്റ്- 20 റണ്‍സ്, ശരാശരി 10
ഏകദിനം- 39 റണ്‍സ്, ശരാശരി 13
എന്നായിരുന്നു ഒരു ട്വീറ്റ്.
|
രണ്ടു തവണ ആലോചിക്കും
ലോക ക്രിക്കറ്റിലെ ഏറ്റവും മികച്ച ബാറ്റ്‌സ്മാന്‍ പോലും ഇത്തരമൊരു പ്രസ്താവന ഇറക്കുന്നതിനു മുമ്പ് രണ്ടു തവണ ആലോചിക്കും. മാനസിക വളര്‍ച്ചയില്ലാത്ത മറ്റൊരു പാകിസ്താന്‍ താരമാണ് അബ്ദുള്‍ റസാഖെന്ന് മറ്റൊരാള്‍ ട്വീറ്റ് ചെയ്തു.
|
എന്ത് അവകാശം?
ഇന്ത്യക്കെതിരേ അവസാന 10 ഇന്നിങ്‌സുകളില്‍ അബ്ദുള്‍ റസാഖിന്റെ പ്രകടനം
0, 0, 4, 14, 64*, 1, 24, 1, 3, 3.
ഏഴു തവണ ഒറ്റയക്ക സ്‌കോറുകള്‍. ജസ്പ്രീത് ബുംറയെക്കുറിച്ച് പറയാന്‍ ഒരു അവകാശവുമില്ലെന്നു മറ്റൊരു ട്വീറ്റില്‍ പരിഹാസം.
|
മുനാഫിനു മുന്നില്‍ പോലും പിടിച്ചുനില്‍ക്കാനായില്ല
ഇന്ത്യയുടെ മുന്‍ പേസര്‍ ജസ്പ്രീത് ബുംറയുടെ ബൗളിങില്‍ നേരത്തേ റസാഖ് ബൗള്‍ഡായ വീഡിയോയുടെ സ്‌ക്രീന്‍ ഷോട്ടുകള്‍ക്കൊപ്പമായിരുന്നു മറ്റൊരു ട്രോള്‍. കളിച്ചിരുന്ന കാലത്ത് മുനാഫ് പട്ടേലിന്റെ 116 കിമി വേഗതയില്‍ ബൗള്‍ഡായ താരമാണ് റസാഖെന്നായിരുന്നു ട്വീറ്റ്.
