ആശങ്ക വേണ്ട
പാകിസ്താനോടേറ്റ തോല്വിയില് ആശങ്ക വേണ്ടെന്നെന്നതാണ് ഇംഗ്ലണ്ടിനെ സംബന്ധിച്ച് ഏറ്റവും പ്രധാനപ്പെട്ട കാര്യമെന്നു റൂട്ട് പറഞ്ഞു. മല്സരശേഷം മാധ്യമങ്ങളോടു സംസാരിക്കുകയായിരുന്നു അദ്ദേഹം.
ഒരു ടീമെന്ന നിലയില് എന്താണ് കളിക്കളത്തില് ഗുണം ചെയ്യുകയെന്ന് ഞങ്ങള്ക്കറിയാം. പക്ഷെ എതിരാൡകള്ക്കു നല്ല പ്രകടനം നടത്താന് അനുവദിച്ചാല് തിരിച്ചടിയാണ്. തോല്വിയില് നിന്നും പാഠമുള്ക്കൊണ്ട് അടുത്ത കളിയില് ശക്തമായി തിരിച്ചു വരേണ്ടതുണ്ടെന്നും റൂട്ട് വിശദമാക്കി.
ശൈലി മാറ്റേണ്ടതില്ല
ഇംഗ്ലണ്ട് ടീമിന്റെ ഏറ്റവും വലിയ കരുത്ത് എന്തു തന്നെ സംഭവിച്ചാലും ശൈലി മാറ്റില്ലെന്നതാണെന്ന് റൂട്ട് പറഞ്ഞു. തിരിച്ചടി നേരിട്ടാലും തങ്ങളുടേതായ ശൈലിയില് തന്നെ തുടര്ന്നും കളിക്കും. ഇത് തന്നെയാണ് ടീമിന്റെ ഏറ്റവും വലിയ പ്ലസ് പോയിന്റ്. ഈ ലോകകപ്പിന്റെ ഫോര്മാറ്റ് മികച്ചതാണ്.
മികച്ച നാലു ടീമുകള് മാത്രമാണ് സെമി ഫൈനലിലെത്തുക. അതുകൊണ്ടു തന്നെ ടൂര്ണമെന്റിലെ ശേഷിച്ച മല്സരങ്ങളില് മികച്ച കളി പുറത്തെടുക്കാനായിരിക്കും തങ്ങളുടെ ശ്രമമെന്നും റൂട്ട് വിശദമാക്കി.
തെറ്റ് ആവര്ത്തിക്കരുത്
പാകിസ്താനെതിരായ കളിയില് ചില തെറ്റുകള് തങ്ങളുടെ ഭാഗത്തു നിന്നും സംഭവിച്ചു. അതേ തെറ്റ് ആവര്ത്തിക്കാതിരിക്കുകയെന്നത് വളരെ പ്രധാനമാണ്. തങ്ങള്ക്കു പറ്റിയ പിഴവുകള് ടീമംഗങ്ങള്ക്കു ബോധ്യമായിട്ടുണ്ടാവും. അവ പരിഹരിച്ച് കൂടുതല് മികച്ച പ്രകടനം ബംഗ്ലാദേശിനെതിരായ അടുത്ത മല്സരത്തില് പ്രതീക്ഷിക്കാമെന്നും റൂട്ട് ഉറപ്പ് നല്കുന്നു.
വെസ്റ്റ് ഇന്ഡീസിനെതിരായ ആദ്യ കളിയില് വെറും 105 റണ്സിനു പുറത്തായ പാകിസ്താന് ഇംഗ്ലണ്ടിനെതിരേ എട്ടു വിക്കറ്റിന് 348 റണ്സാണ് അടിച്ചുകൂട്ടിയത്.