Click it and Unblock the Notifications
ഇംഗ്ലണ്ട് പുറത്തേക്ക്
ലോക ഒന്നാം റാങ്കുകാരായ ഇംഗ്ലണ്ട് ലോകകപ്പ് തുടങ്ങുന്നതിന് മുന്പ് തന്നെ കപ്പ് ഉറപ്പിച്ചവരാണ്. ആധികാരികമായി കളിച്ചുകൊണ്ടിരുന്ന ഇംഗ്ലണ്ടിന് ലോകകപ്പില് കാര്യങ്ങളെല്ലാം തകിടംമറിഞ്ഞു. പാക്കിസ്ഥാന്, ശ്രീലങ്ക ടീമുകളോടേറ്റ അപ്രതീക്ഷിത തോല്വിയാണ് ഇംഗ്ലണ്ടിന് തിരിച്ചടിയായത്. ഓപ്പണര് ജേസണ് റോയിക്ക് പരിക്കേറ്റതും ടീമിന്റെ ജയത്തെ കാര്യമായി ബാധിച്ചു. ശ്രീലങ്ക, ഓസ്ട്രേലിയ ടീമുകള്ക്കെതിരെ മോശം ക്രിക്കറ്റാണ് ഇംഗ്ലണ്ട് കാഴ്ചവെച്ചത്.
ഇംഗ്ലണ്ടിന് പകരം ആരെത്തും
ഇംഗ്ലണ്ട് പുറത്തായാല് പാക്കിസ്ഥാന്, ബംഗ്ലാദേശ്, ശ്രീലങ്ക എന്നീ ടീമുകളിലൊന്ന് സെമിയിലെത്തും. ഇംഗ്ലണ്ട് തോല്ക്കുന്നതിനോടൊപ്പം ശേഷിക്കുന്ന മത്സരങ്ങളിലെ ജയവും ഇവര്ക്ക് അനിവാര്യമാണ്. സൗത്ത് ആഫ്രിക്ക, വെസ്റ്റിന്ഡീസ്, ഇന്ത്യ ടീമുകളാണ് ശ്രീലങ്കയുടെ എതിരാളികള്. പാക്കിസ്ഥാനാകട്ടെ ന്യൂസിലന്ഡ്, ബംഗ്ലാദേശ്, അഫ്ഗാനിസ്ഥാന് എന്നിവരും. ബംഗ്ലാദേശിന് ഇന്ത്യ, പാക്കിസ്ഥാന് ടീമുകളാണ് എതിരാളികള്.
ഇന്ത്യയ്ക്ക് കാര്യങ്ങള് എളുപ്പമാകും
അഞ്ച് മത്സരങ്ങളില് നിന്നും 9 പോയന്റുള്ള ഇന്ത്യയ്ക്ക് സെമിയിലേക്കുള്ള കാര്യങ്ങള് എളുപ്പമാകുമെന്നാണ് പ്രതീക്ഷ. വെസ്റ്റിന്ഡീസ്, ശ്രീലങ്ക, ബംഗ്ലാദേശ്, ഇംഗ്ലണ്ട് ടീമുകളില് ഏതെങ്കിലും രണ്ടെണ്ണത്തില് ജയിക്കാന് കഴിഞ്ഞാല് ഇന്ത്യ സെമിയിലെത്തും. നിലവിലെ ഫോമില് ഇന്ത്യയ്ക്ക് സാധ്യമാകുമെന്നാണ് കണക്കുകൂട്ടല്. അതേസമയം, ഓരോ ചെറിയ പിഴവിനും കനത്ത വിലയായിരിക്കും ടീമുകളെ കാത്തിരിക്കുക.
Continue with Google