ലീഡ്സ്: ഓസ്ട്രേലിയക്കെിരായ ആഷസിലെ മൂന്നാം ടെസ്റ്റില് ഇംഗ്ലണ്ടിനു ത്രസിപ്പിക്കുന്ന ജയം സമ്മാനിച്ചത് സ്റ്റാര് ഓള്റൗണ്ടര് ബെന് സ്റ്റോക്സായിരുന്നു. തോറ്റെന്നു കരുതിയ മല്സരത്തില് ഒരു വിക്കറ്റിന്റെ അവിശ്വസനീയ വിജമയാണ് ഇംഗ്ലണ്ട് സ്വന്തമാക്കിയത്. സ്റ്റോക്സിന്റെ (135*) അപരാജിത ഇന്നിങ്സാണ് ഇംഗ്ലണ്ടിനു ഉജ്ജ്വല ജയം സമ്മാനിച്ചത്. 219 പന്തുകള് നേരിട്ട താരത്തിന്റെ ഇന്നിങ്സില് 11 ബൗണ്ടറികളും എട്ടു സിക്സറുമുള്പ്പെട്ടിരുന്നു.
ക്രിക്കറ്റ് ലോകത്തെ തന്നെ പുതിയ ഹീറായായി മാറിയ സ്റ്റോക്സിന് അഭിനന്ദനപ്രവാഹമാണ്. ഫുട്ബോളില് നിന്നും താരത്തിന് പുതിയ ഓഫര് വന്നു കഴിഞ്ഞുവെന്നതാണ് ഇപ്പോള് ചര്ച്ചയാവുന്നത്. ഇംഗ്ലീഷ് പ്രീമിയര് ലീഗില് കളിക്കുന്ന ന്യൂകാസില് യുനൈറ്റഡ് തങ്ങളുടെ ടീമില് കളിക്കാന് സ്റ്റോക്സിനെയും ക്ഷണിച്ചിരിക്കുകയാണ്. ന്യൂകാസില് കോച്ച് സ്റ്റീവ് ബ്രൂസാണ് തങ്ങളുടെ ടീമില് മധ്യനിരയില് കളിക്കുമോയെന്ന് സ്റ്റോക്സിനോട് തമാശരൂപേണ ചോദിച്ചിരിക്കുന്നത്. ക്രിക്കറ്റിലെ അവസാനത്തെ 10 മിനിറ്റോ, അതോ ന്യൂകാസില്- ടോട്ടനം മല്സരമോ? ഏതാണ് കൂടുതല് സമ്മര്ദ്ദമുണ്ടാക്കുന്നതെന്നറിയില്ല. എന്നാല് സ്റ്റോക്സിനു തീര്ച്ചയായും ന്യൂകാസിലിനു വേണ്ടി അടുത്തയാഴ്ച കളിക്കാന് കഴിയുമെന്നുറപ്പുണ്ടെന്നും ബ്രൂസ് വിശദമാക്കി.
ഫിഫ്റ്റി, പിന്നാലെ സെഞ്ച്വറി... എങ്ങനെ സാധിച്ചു? രഹസ്യം വെളിപ്പടുത്തി രഹാനെ
സ്റ്റോക്സിനെക്കുറിച്ചു ന്യൂകാസില് കോച്ച് ബ്രൂസ് പരാമര്ശിക്കാന് മറ്റൊരു കാരണം കൂടിയുണ്ട്. നിലവില് ഡര്ഹാമില് താമസിക്കുന്ന താരം ന്യൂകാസില് ടീമിന്റെ കടുത്ത ഫാന് കൂടിയാണ്. ഇംഗ്ലീഷ് പ്രീമിയര് ലീഗില് ഞായറാഴ്ച നടന്ന കളിയില് കരുത്തരായ ടോട്ടനം ഹോട്സ്പറിനെ ന്യൂകാസില് 1-0നു ഞെട്ടിച്ചിരുന്നു. സീസണില് ന്യൂകാസിലിന്റെ ആദ്യ വിജയം കൂടിയായിരുന്നു ഇത്.