എന്താണ് ആവശ്യം
ഐപിഎല്ലില് മങ്കാദിങ് കണ്ടപ്പോള് ആശ്ചര്യം തോന്നി. വളരെ ആവേശകരമായ ടൂര്ണമെന്റാണ് ഐപിഎല്. ഓരോ മലല്സരവും മികച്ചതാണ്. ക്രിക്കറ്റിനെ അതിന്റേതായ സ്പിരിറ്റില് കളിക്കുകയാണ് വേണ്ടത്. ഐപിഎല്ലില് ഏതെങ്കിലുമൊരു താരം മങ്കാദിങ് നടത്തുന്നതിനോടു തനിക്കു യോജിപ്പില്ലെന്നും ബോള്ട്ട് വ്യക്തമാക്കി. അശ്വിന്റെ പേരെടുത്തു പരാമര്ശിക്കാതെയായിരുന്നു ബോള്ട്ടിന്റെ പ്രതികരണം.
നേരത്തേ തീരുമാനിച്ചതല്ലെന്നു അശ്വിന്
രാജസ്ഥാന് താരം ബട്ലറെ മങ്കാദിങിലൂടെ റണ്ണൗട്ടാക്കിയത് നേരത്തേ തീരുമാനിച്ച പ്രകാരം ആയിരുന്നില്ലെന്നാണ് മല്സരശേഷം അശ്വിന്റെ പ്രതികരിച്ചത്. അതു കളിക്കിടെ വളരെ സ്വാഭാവികമായി സംഭവിച്ച കാര്യമാണ്. മാത്രമല്ല നിയമം ലംഘിച്ച് താന് ഒന്നും ചെയ്തിട്ടില്ല. മങ്കാദിങിലൂടെ പുറത്താക്കാമെന്ന് നിയമാവലിയില് തന്നെ വിശദമാക്കുന്നുണ്ടെന്നും അശ്വിന് ചൂണ്ടിക്കാട്ടിയിരുന്നു.
ഡല്ഹിക്കൊപ്പം മികച്ച പ്രകടനം
ഐപിഎല്ലിലെ ജോലി ഭാരം വരാനിരിക്കുന്ന ലോകകപ്പില് തിരിച്ചടിയാവുമൊയെന്ന ചോദ്യത്തിന് ബോള്ട്ടിനൊപ്പമുണ്ടായിരുന്ന ദക്ഷിണാഫ്രിക്കന് താരം കാഗിസോ റബാദയുടെ പ്രതികരണം ഇങ്ങനെയായിരുന്നു. ഡല്ഹിക്കു വേണ്ടി കളിക്കാനാണ് ഇവിടെയെത്തിയത്. ടീമിനു വേണ്ടി കളിക്കുന്നതിന്റെ ത്രില്ലിലാണ് തങ്ങള്. ഇപ്പോള് ഇതേക്കുറിച്ചു മാത്രമേ ചിന്തിക്കുന്നുള്ളൂ.. ഇനിയുള്ള മല്സരങ്ങളില് മികച്ച പ്രകടനം നടത്തുകയാണ് ലക്ഷ്യമെന്നും റബാദ വ്യക്തമാക്കി.