Click it and Unblock the Notifications
ധോണിക്കു മുന്നില്‍ ഹെലികോപ്റ്റര്‍ ഷോട്ട്
ഇപ്പോഴിതാ ധോണിക്ക് മുന്നില്‍ ഈ ഷോട്ട് കളിച്ച് വിജയിച്ച് ഹാര്‍ദിക് പാണ്ഡ്യ ആരാധകരെ കൈയ്യിലെടുത്തിരിക്കുകയാണ്. മുംബൈ ഇന്ത്യന്‍സ് ചെന്നൈ സൂപ്പര്‍ കിങ്‌സ് മത്സരത്തിനിടയിലായിരുന്നു പാണ്ഡ്യയുടെ ഹെലികോപ്റ്റര്‍ ഷോട്ട് പിറന്നത്. അപാരമായ ഫോമില്‍ കളിക്കുന്ന പാണ്ഡ്യ ഡ്വെയ്ന്‍ ബ്രാവോയുടെ യോര്‍ക്കര്‍ പൊടുന്നനെയൊരു ഹെലികോപ്റ്റര്‍ ഷോട്ടിലൂടെ ഗ്യാലറിയിലെത്തിച്ചു.
ധോണിയുടെ പ്രതികരണം
വിക്കറ്റിന് പിന്നില്‍ ധോണി നോക്കിനില്‍ക്കെയാണ് പാണ്ഡ്യയുടെ ഷോട്ടെന്നതാണ് കൗതുകമുണര്‍ത്തുന്നകാര്യം. ഷോട്ട് വന്നയുടന്‍ ക്യാമറ ധോണിയുടെ മുഖത്തെത്തുകയും ചെയ്തു. ഇരുവശത്തേക്കും ഒന്ന് മാറിനോക്കിയ ധോണി ക്യാമറ തന്നിലാണെന്ന് അറിഞ്ഞതിനാലാകണം പതിവ് കൂള്‍ മൂഡിലായിരുന്നു. ധോണിയുടെ മനസിലെന്തെന്ന് വായിച്ചറിയാന്‍ ആര്‍ക്കുമായില്ലെന്നതാണ് സത്യം.
ധോണി അഭിനന്ദിക്കുമെന്ന് പ്രതീക്ഷിച്ചു
മത്സരശേഷം പാണ്ഡ്യ ഈ ഷോട്ടിനെക്കുറിച്ച് സംസാരിക്കുകയും ചെയ്തു. ഷോട്ട് കളിച്ചയുടന്‍ ധോണി തന്നെ അഭിനന്ദിക്കുമെന്നാണ് കരുതിയിരുന്നതെന്ന് പാണ്ഡ്യ പറഞ്ഞു. എന്നാല്‍, ധോണി പാണ്ഡ്യയോട് ഒരുവാക്കുപോലും പറഞ്ഞിരുന്നില്ല. ഓരോ പന്തിലും ബൗണ്ടറിയടിക്കാന്‍ താത്പര്യം കാട്ടിയ പാണ്ഡ്യ 8 പന്തില്‍ 25 റണ്‍സടിച്ച് ടീമിന് നല്ലൊരു ടോട്ടല്‍ സമ്മാനിച്ചു.
മുംബൈക്ക് ജയം
അവസാന ഓവറില്‍ പാണ്ഡ്യയും പൊള്ളാര്‍ഡും ചേര്‍ന്ന് ഡ്വെയ്ന്‍ ബ്രാവോയെ തച്ചുതകര്‍ക്കുകയായിരുന്നു. വേഗത കുറഞ്ഞ പന്തുകളുടെ സ്‌പെഷലിസ്റ്റായ ബ്രോവോയുടെ പന്തുകള്‍ ഇരുവരും മത്സരിച്ച് അതിര്‍ത്തിവര കടത്തി. മുംബൈ 5 വിക്കറ്റ് നഷ്ടത്തില്‍ 170 റണ്‍സെടുത്തപ്പോള്‍ ചെന്നൈ 8 വിക്കറ്റിന് 133 എന്ന നിലയില്‍ കളിയവസാനിപ്പിച്ചു. 37 റണ്‍സിനായിരുന്നു മുംബൈയുടെ വിജയം.
