Click it and Unblock the Notifications
ധവാന്റെ പരിശീലനം
ധവാന് പരിക്കേറ്റതിനെ തുടര്‍ന്ന് ഇംഗ്ലണ്ടില്‍ നിന്ന് നാട്ടിലേക്ക് മടങ്ങിയിട്ടില്ല. അതേസമയം ടീമിലേക്ക് മടങ്ങി വരുമെന്നാണ് ധവാന് സൂചിപ്പിക്കുന്നത്. പരിക്ക് കാര്യമാക്കാതെ കടുത്ത പരിശീലനത്തിലാണ് താരം. ധവാന് ജിമ്മില്‍ കഠിനമായ പരിശീലനം നടത്തുന്നതിന്റെ വീഡിയോ പുറത്ത് വന്നിട്ടുണ്ട്. കൈക്ക് അധികം ബലം നല്‍കാതെ കാലുകള്‍ കൊണ്ടുള്ള വ്യായാമങ്ങളാണ് താരം ചെയ്യുന്നത്. ഒപ്പം പാട്ടുകള്‍ ആസ്വദിക്കുന്നുണ്ട്.
പറയുന്നത് ഇങ്ങനെ
ഇത്തരം സന്ദര്‍ഭങ്ങള്‍ നിങ്ങള്‍ക്ക് ദുസ്വപ്‌നങ്ങളായിരിക്കും, അതല്ലെങ്കില്‍ നിങ്ങള്‍ ഇതിനെ തിരിച്ചുവരാനുള്ള ഒരു മാര്‍ഗമായി കണ്ട് അതിനെ ഉപയോഗിക്കണം. എനിക്ക് സുഖം പ്രാപിക്കാനുള്ള സന്ദേശം അയച്ചവര്‍ക്കെല്ലാം നന്ദി അറിയിക്കുന്നുവെന്നും ധവാന് പറഞ്ഞു. അതേസമയം ടീമിനൊപ്പം തുടര്‍ന്ന് ഫിറ്റ്‌നെസ് വീണ്ടെടുക്കാന്‍ ധവാന് തീരുമാനിച്ചിട്ടുണ്ട്. അതുകൊണ്ടാണ് ബിസിസിഐ ധവാന് പകരക്കാരനായി ഋഷഭ് പന്തിനെ പ്രഖ്യാപിക്കാതിരിക്കുന്നത്.
തിരിച്ചുവന്നാലും പക്ഷേ...
ടീമിലേക്ക് തിരിച്ചുവന്നാലും ധവാനെ കാത്ത് പ്രശ്‌നങ്ങള്‍ പിന്നാലെയുണ്ടെന്ന് ഫീല്‍ഡിംഗ് കോച്ച് ആര്‍ ശ്രീധര്‍ പറയുന്നു. ധവാന് കൈക്കാണ് പരുക്കേറ്റത്. അതുകൊണ്ട് സ്ലിപ്പില്‍ ഫീല്‍ഡ് ചെയ്യുക വലിയ പ്രശ്‌നമാണ്. പന്തുകള്‍ എഡ്ജ് ചെയ്ത് വളരെ പെട്ടെന്നാണ് കൈകളിലേക്ക് എത്തുക. ഇത് ധവാന് ബുദ്ധിമുട്ടുണ്ടാക്കും. പന്തെറിയുന്നതിന് ധവാന് കുഴപ്പമുണ്ടാകില്ല. എന്നാല്‍ ക്യാച്ചെടുക്കുമ്പോഴും ഫീല്‍ഡ് ചെയ്യുമ്പോഴും ധവാന് പ്രശ്‌നങ്ങള്‍ ഉണ്ടാകും. പരിശീലനത്തില്‍ മറ്റ് പന്തുകള്‍ ഉപയോഗിക്കാന്‍ ധവാന് പഠിക്കണം. അതിന് ശേഷം കാര്യങ്ങള്‍ മാറുമെന്നും ശ്രീധര്‍ പറഞ്ഞു.
ക്യാപ്റ്റന് പറയാനുള്ളത്
ശിഖര്‍ ധവാന് രണ്ടാഴ്ച്ചയോളം കളത്തില്‍ ഉണ്ടാവില്ലെന്ന് ഇന്ത്യന്‍ ക്യാപ്റ്റന് വിരാട് കോലിയും പറയുന്നു. ഗ്രൂപ്പ് ഘട്ടത്തിലെ അവസാന മത്സരത്തിലോ അതല്ലെങ്കില്‍ സെമി ഫൈനലിലോ മാത്രമേ ധവാന് തിരിച്ചെത്താന്‍ സാധിക്കൂ. പക്ഷേ ധവാന് കടുത്ത ആവേശത്തിലാണ്. തിരിച്ചുവരാന്‍ അദ്ദേഹത്തിന് വലിയ ആഗ്രഹമുണ്ടെന്നും കോലിി പറഞ്ഞു. അതേസമയം ധവാന് 12 ദിവസത്തോളം മെഡിക്കല്‍ ടീമിന്റെ നിരീക്ഷണത്തിലായിരിക്കും. അതിന് ശേഷം ധവാന് തിരിച്ചുവരുമോ എന്ന് ഉറപ്പിക്കാനാവും.
