Click it and Unblock the Notifications
ചെന്നൈയുടെ പരിശീലനം
ആരാധക സ്‌നേഹം മൂത്താല്‍ എങ്ങിനെയുണ്ടാകുമെന്നറിയാന്‍ ഇപ്പോള്‍ ചെന്നൈ എംഎ ചിദംബരം സ്റ്റേഡിയത്തില് ചെന്നാല്‍ മതി. വിദേശ രാജ്യങ്ങളില്‍ കളി കാണാനെത്തുന്നവരേക്കാള്‍ അധികം ആരാധകര്‍ ചെന്നൈയുടെ പരിശീലനം കാണാനെത്തുന്ന കാഴ്ചയാണ് സ്റ്റേഡിയത്തില്. ധോണി ഉള്‍പ്പെടെയുള്ള സൂപ്പര്‍താരങ്ങളുടെ തമാശയും പരിശീലനവുമെല്ലാം ആരാധകര്‍ക്ക് കളിപോലെ തന്നെ പ്രധാനമാണ്.
സ്റ്റേഡിയത്തില് തിക്കും തിരക്കും
കഴിഞ്ഞദിവസം പരിശീലനം കാണാനായി സ്റ്റേഡിയത്തിലെത്തിയത് 12,000ത്തോളം ആരാധകരാണ്. ചെന്നൈയില്‍നിന്നു മാത്രമല്ല, തമിഴ്‌നാട്ടിലെ വിവിധ പ്രദേശങ്ങളില്‍നിന്നും ആരാധകര്‍ ചെന്നൈയിലെത്തിയിട്ടുണ്ട്. പരിശീലനവും ചെന്നൈയുടെ ഉദ്ഘാടന മത്സരവും കണ്ടുകഴിഞ്ഞശേഷമേ ഇവര്‍ മടങ്ങുകയുള്ളൂ. വലിയൊരുവിഭാഗം ആരാധകരാകട്ടെ സീസണ്‍ മുഴുവന്‍ ടീമിനൊപ്പം വിവിധ സ്റ്റേഡിയങ്ങളിലെത്തും.
ഇത് വെറും ടീസര്‍ മാത്രം
പരിശീലനം കാണാനെത്തിയ ആരാധകര്‍ ഒരു ടീസര്‍ മാത്രമാണെന്ന് ചെന്നൈയുടെ കട്ട ആരാധകനായ ശരവണന്‍ ഹരി പറയുന്നത്. കളി തുടങ്ങിക്കഴിഞ്ഞാല്‍ ശരിയായ ആരാധകരെ കാട്ടിത്തരാമെന്നും ശരവണന്‍ പറയുന്നു. ഇതിനെ പരിശീലനമെന്ന രീതിയിലല്ല ആരാധകര്‍ കാണുന്നത്, കുടുംബത്തിന്റെ ഒത്തുചേരലെന്നാണ്. മാര്‍ച്ച് 23ന് ബാംഗ്ലൂരിനെതിരെ ജയത്തോടെ തുടങ്ങുന്നത് കാണാന്‍ കാത്തിരിക്കുകയാണ് ചെന്നൈയുടെ ആരാധകര്‍.
