Click it and Unblock the Notifications
വിജയ് ശങ്കറിനെ ഉപയോഗിച്ചില്ല
ഓള്റൗണ്ടര് വിജയ് ശങ്കര് ബാറ്റിങില് ഈ പരമ്പരയിലൂടെ ഇന്ത്യക്കായി ശ്രദ്ധേയമായ പ്രകടനമാണ് നടത്തിയത്. ഹര്ദിക് പാണ്ഡ്യക്കു പിറകെ മറ്റൊരു ഫാസ്റ്റ് ബൗളിങ് ഓള്റൗണ്ടറെയാണ് ശങ്കറിലൂടെ ഇന്ത്യക്കു ലഭിച്ചിരിക്കുന്നത്. എന്നാല് ബൗളറെന്ന നിലയില് അദ്ദേഹത്തെ രോഹിത് വേണ്ട രീതിയില് ഉപയോഗിച്ചില്ലെന്ന് കാണാം.
ആദ്യത്തെയും അവസാനത്തെയും കളിയില് കിവീസ് ബാറ്റ്സ്മാന്മാര് റണ്സ് വാരിക്കൂട്ടിയപ്പോഴും ശങ്കറിനെക്കൊണ്ട് ബൗള് ചെയ്യിച്ച് ഒരു പരീക്ഷണം നടത്താന് രോഹിത് തയ്യാറായില്ലെന്ന് കാണാം. അവസരം കൊടുത്തിരുന്നെങ്കില് ഒരു പക്ഷെ ശങ്കറിന് നിര്ണായക ബ്രേക്ക്ത്രൂകള് നല്കാന് കഴിയുമായിരുന്നു.
കുല്ദീപിന് ഒരു മല്സരം മാത്രം
റിസ്റ്റ് സ്പിന്നര്മാരെ നേരിടുന്നതില് ന്യൂസിലാന്ഡ് ബാറ്റ്സ്മാന്മാര് അത്ര മിടുക്കരല്ല. ഇത് അറിയാമായിരുന്നിട്ട് കൂടി റിസ്റ്റ് സ്പിന്നറായ കുല്ദീപ് യാദവിനെ അവസാന മല്സരത്തില് മാത്രമാണ് രോഹിത് കളിപ്പിച്ചത്.
നേരത്തേ നടന്ന ഏകദിന പരമ്പരയില് ഇന്ത്യന് വിജയത്തില് നിര്ണായക പങ്കുവഹിച്ച താരമായിരുന്നു കുല്ദീപ്. രണ്ടു മല്സരങ്ങളില് അദ്ദേഹം നാലു വിക്കറ്റ് നേട്ടം കൊയ്തിരുന്നു. എന്നാല് കുല്ദീപിനെ പുറത്തിരുത്തിയ രോഹിത് യുസ്വേന്ദ്ര ചഹലിനാണ് ടി20 പരമ്പരയിലെ ആദ്യ രണ്ടു കളികളിലും അവസരം നല്കിയത്. ഇതു വേണ്ടത്ര ക്ലിക്കായതുമില്ല
നിരവധി ഓള്റൗണ്ടര്മാര്
നിരവധി ഓള്റൗണ്ടര്മാരെ ഒരു കളിയില് ഒരുമിച്ച് പരീക്ഷിച്ചതും രോഹിത്തിന്റെ പിഴവാണ്. ഹര്ദിക് പാണ്ഡ്യ, ക്രുനാല് പാണ്ഡ്യ, വിജയ് ശങ്കര് എന്നിവരെ മൂന്നു മല്സരങ്ങളിലും ഇന്ത്യന് ടീമില് ഉള്പ്പെടുത്തിയിരുന്നു. ഇവരില് ശങ്കറിനെ ബൗളിങില് വേണ്ടത്ര ഉപയോഗിച്ചതുമില്ല. മൂന്നു ഓള്റൗണ്ടര്മാരില് ഒരാളെ പുറത്തിരുത്തി പകരം ഒരു സ്പെഷ്യലിസ്റ്റ് ബൗളറെ കളിപ്പിച്ചിരുന്നെങ്കില് ഇന്ത്യക്ക് അത് കൂടുതല് ഗുണം ചെയ്യുമായിരുന്നു.
ബൗളര്മാരുടെ മോശം പ്രകടനമാണ് ന്യൂസിലാന്ഡിനെ പരമ്പരയിലെ രണ്ടു മല്സരങ്ങളിലും 200ന് മുകളില് സ്കോര് ചെയ്യാന് സഹായിച്ചത്.
Continue with Google