Click it and Unblock the Notifications
സന്തുലിതമായ ടീം
മുന്‍ സീസണുകളെ അപേക്ഷിച്ച് ഏറെ സന്തുലിതമായ ടീമിനെയാണ് ആര്‍സിബി പുതിയ സീസണില്‍ അണിനിരത്തുന്നതെന്നു വാട്‌മോര്‍ ചൂണ്ടിക്കാട്ടി. 2016നു ശേഷം ആദ്യമായാണ് ആര്‍സിബി ഇത്രയും സന്തുലിതമായ ടീമിനെ ഇറക്കുന്നതെന്നും അദ്ദേഹം പറഞ്ഞു. നേരത്തേ ക്യാപ്റ്റന്‍ കോലിയും ഇതേ അഭിപ്രായം തന്നെ പറഞ്ഞിരുന്നു.
അവസാനത്തെ മൂന്നു സീസണുകളിലും ആര്‍സിബി ഐപിഎല്ലിന്റെ പ്ലേഓഫിലെത്തിയിട്ടില്ല. ആറിന് മുകളില്‍ പോലും അവര്‍ക്ക് എത്താനുമായിട്ടില്ല. 2017, 19 സീസണുകളില്‍ ആര്‍സിബി അവസാന സ്ഥാനക്കാരായിരുന്നു.
കോലി മിന്നുമെന്ന് വാട്‌മോര്‍
ആര്‍സിബി ക്യാപ്റ്റന്‍ വിരാട് കോലിയെയും വാട്‌മോര്‍ പുകഴ്ത്തി. ക്ലാസ് പ്ലെയറെന്നായിരുന്നു അദ്ദേഹത്തെ വാട്‌മോര്‍ വിശേഷിപ്പിച്ചത്.
കോലിയുടെ മികവ് എല്ലാവര്‍ക്കും അറിയാവുന്നതാണ്. വളരെ മികച്ച ബാറ്റ്‌സ്മാനാണ് അദ്ദേഹം. കോലി എല്ലായ്‌പ്പോഴും ജയിക്കാന്‍ വേണ്ടിയാണ് കളിക്കുന്നത്. ഇത്തവണ യുഎഇയില്‍ കാണികളില്ലെങ്കിലും അത് അദ്ദേഹത്തിന്റെ പ്രകടനത്തെ ബാധിക്കില്ല. കാണികളുണ്ടെങ്കിലും ഇല്ലെങ്കിലും കോലി കസറുമെന്നും വാട്‌മോര്‍ ഒരു ദേശീയ മാധ്യമത്തോടു പറഞ്ഞു.
ചഹല്‍ ചുക്കാന്‍ പിടിക്കും
സ്പിന്നര്‍മാര്‍ അരങ്ങുവാഴുമെന്ന് ചൂണ്ടിക്കാണിക്കപ്പെടുന്ന യുഎഇയിലെ പിച്ചുകളില്‍ ഇന്ത്യയുടെ യുവ താരം യുസ്വേന്ദ്ര ചഹലായിരിക്കും ആര്‍സിബിയുടെ സ്പിന്‍ ബൗളിങ് ആക്രമണത്തിനു ചുക്കാന്‍ പിടിക്കുകയെന്ന് വാട്‌മോര്‍ അഭിപ്രായപ്പെട്ടു.
സ്പിന്നര്‍മാര്‍ക്കു ഇത്തവണ വളരെ പ്രധാനപ്പെട്ട റോള്‍ തന്നെയുണ്ടാവും. ബൗളിങില്‍ വേരിയേഷനുകള്‍ വരുത്തുന്ന, ബുദ്ധിപൂര്‍വ്വം ബൗള്‍ ചെയ്യുന്ന പേസര്‍മാര്‍ക്കും യുഎഇയില്‍ തിളങ്ങാനാവും. സുനില്‍ നരെയ്‌ന്റെ സ്പിന്‍ ബൗളിങ് മനസ്സിലാക്കുക എതിര്‍ ബാറ്റ്‌സ്മാന്‍മാര്‍ക്കു ബുദ്ധിമുട്ടായി തീരും. വളരെ കണിശതയുള്ള, അതോടൊപ്പം വേഗത്തില്‍ വ്യതിയാനം വരുത്തി പന്തെറിയുന്ന ബൗളറാണ് നരെയ്ന്‍. എല്ലാ സ്പിന്നര്‍മാരും മികച്ച പ്രകടനം പുറത്തെടുക്കുമെന്നാണ് പ്രതീക്ഷിക്കുന്നതെന്നും വാട്‌മോര്‍ കൂട്ടിച്ചേര്‍ത്തു.
