ബിസിസിഐ ചോദ്യം ചെയ്യില്ല, ചെന്നൈയും രാജസ്ഥാനും പുറത്ത് തന്നെ?

ബി സി സി യിലെ ശ്രീനിവാസന്‍ യുഗം

സുപ്രീം കോടതി ഇടപെട്ട് പ്രസിഡണ്ട് സ്ഥാനത്ത് നിന്നും നീക്കിയതോടെ ബി സി സി ഐയില്‍ ശ്രീനിവാസന്‍ യുഗം അവസാനിച്ചതായി റിപ്പോര്‍ട്ടുകള്‍ ഉണ്ടായിരുന്നു. ശ്രീനി മാത്രമല്ല, ഇന്ത്യന്‍ ക്രിക്കറ്റിലെ ചെന്നൈ ലോബിയുടെ തന്നെ തകര്‍ച്ചയാണ് കോടതി വിധിയിലൂടെ കാണാന്‍ പറ്റുന്നത്.

ബി സി സി ഐയുടെ പിന്തുണയില്ലാതെ

കോടതി വിധിയെ തങ്ങള്‍ അംഗീകരിക്കുന്നു ബി സി സി ഐ പ്രസിഡണ്ടും സെക്രട്ടറിയും പറയുന്നതിന് അര്‍ഥം വിധിക്കെതിരെ ബി സി സിഐയുടെ ഭാഗത്ത് നിന്നും അപ്പീല്‍ പോകല്‍ അടക്കമുള്ള നടപടികള്‍ ഉണ്ടാകില്ല എന്നാണ്. ബി സി സി ഐയുടെ പിന്തുണയില്ലാതെ ചെന്നൈയും രാജസ്ഥാനും അപ്പീല്‍ പോയാലും കാര്യമുണ്ടാകുമോ എന്ന് കാത്തിരുന്ന് കാണണം.

സുതാര്യത വേണമെന്ന് ഡാല്‍മിയ

രാജ്യത്തെ നിയമസംവിധാനം അനുസരിക്കാന്‍ തങ്ങള്‍ക്ക് ബാധ്യതയുണ്ട് എന്നാണ് ഡാല്‍മിയ പറഞ്ഞത്. തങ്ങള്‍ കോടതിവിധിയെ അനുസരിക്കുകയും ബഹുമാനിക്കുകയും ചെയ്യുന്നു. ക്രിക്കറ്റ് പരമാവധി സുതാര്യമാകണം എന്നാണ് തങ്ങളുടെ ആഗ്രഹം.

പ്രസിഡണ്ടിനൊത്ത സെക്രട്ടറി

ഡാല്‍മിയ പറഞ്ഞതില്‍ നിന്നും ഒരിഞ്ച് പോലും മാറാതെ ബി സി സി ഐ സെക്രട്ടറി അനുരാഗ് താക്കൂറും തന്റെ നയം വ്യക്തമാക്കി. ക്രിക്കറ്റ് എന്ന വലിയ താല്‍പര്യം മുന്‍നിര്‍ത്തി കോടതിവിധിയെ അംഗീകരിക്കുന്നു.

ഇനി സാധ്യതകള്‍ ഇതാണ്

ഒന്നുകില്‍ രണ്ട് വര്‍ഷത്തെ വിലക്ക് കഴിയുന്നത് വരെ കാത്തിരിക്കുക. അല്ലെങ്കില്‍ പുതിയ ഉടമസ്ഥരുടെ പേരിലേക്ക് ടീം മാറുക. ഇത് രണ്ടുമാണ് ചെന്നൈ സൂപ്പര്‍ കിംഗ്‌സിനും രാജസ്ഥാന്‍ റോയല്‍സിനും മുന്നിലുള്ള സാധ്യതകള്‍.