Click it and Unblock the Notifications
ഇംഗ്ലീഷ് താരം അലെക്സ് ടെയ്റ്റിന്റെ കരിയറാണ് ക്രിക്കറ്റ് മൂലം അവതാളത്തിലായത്. യോര്ക്ഷെയര് ക്ലബ്ബിനായി കളിക്കുന്നതിനിടെയാണ് താരത്തിന്റെ കരിയറിനു തന്നെ ഭീഷണിയായ പരിക്ക് പിടികൂടിയത്.
ബൗള് ചെയ്യുന്നതിനിടെയാണ് ടെയ്റ്റിനു പരിക്കേറ്റത്. ബാറ്റ്സ്മാന് അടിച്ച പന്ത് താരത്തിന്റെ നെറ്റിയില് ശക്തമായി വന്നു പതിക്കുകയായിരുന്നു. ആഘാതത്തില് തലച്ചോറില് 15 മുറിവുകള് സംഭവിച്ചു.
തലയുടെ മുകള് ഭാഗത്തു നിന്ന് ഒരു ചെവി മുതല് മറ്റൊരു ചെവി വരെ കീറിമുറിച്ചാണ് ഡോക്ടര്മാര് ടെയ്റ്റിനെ ശസ്ത്രക്രിയ ചെയ്തത്. ചതവ് പറ്റിയ ഭാഗത്ത് ലോഹത്തിന്റെ തുണ്ടുകള് വച്ച് പിടിപ്പിക്കുകയായിരുന്നു. ശസ്തക്രിയ ആറു മണിക്കൂറിലേറെ നീണ്ടുനിന്നു.
പരിക്കു മൂലം ടെയ്റ്റിന്റ കാഴ്ചശക്തി നഷ്ടപ്പെടാനുള്ള സാധ്യതയുണ്ടെന്നു ഡോക്ടര്മാര് മുന്നറിയിപ്പ് നല്കുന്നു. കാഴ്ചയില്ലെങ്കില് തന്റെ ഭാവി എന്താവുമെന്ന ആശങ്കലിയാണ് 30കാരനായ താരം.
ക്രിക്കറ്റ് താരം മാത്രമല്ല ടെയ്റ്റ്. ഒരു സ്വകാര്യ കമ്പനിയില് നിയമോപദേഷ്ടാവായും അദ്ദേഹം പ്രവര്ത്തിക്കുന്നുണ്ട്. 2016 നവംബറിലാണ് ടെയ്റ്റ് ഈ കമ്പനിയില് ജോലിക്കു ചേര്ന്നത്. അതുകൊണ്ടു തന്നെ ദൈര്ഘ്യമേറിയ അവധി ലഭിക്കാനും സാധ്യത കുറവാണ്.
Continue with Google