ഗാംഗുലിയും പിന്നില്‍, സെഞ്ചുറി വേട്ടയില്‍ കോലി രണ്ടാമന്‍, ആരാണ് മുന്നില്‍?

സച്ചിന്‍ സച്ചിന്‍ മാത്രം

49 സ്വപ്‌നസെഞ്ചുറികള്‍. ഏകദിന ക്രിക്കറ്റിലെ സെഞ്ചുറിപ്പട്ടികയില്‍ ഇന്ത്യയില്‍ സച്ചിന്‍ മാത്രമാണ് കോലിക്ക് മുന്നിലുള്ളത്. അടിച്ചതിന്റെ ഇരട്ടിയിലധികം സെഞ്ചുറികള്‍ വേണം കോലിക്ക് സച്ചിന്റെ അരികിലെത്താന്‍. പക്ഷേ ഇഷ്ടം പോലെ സമയമുണ്ട്. വെറും 26 വയസ്സേ കോലിക്ക് ആയിട്ടുള്ളൂ.

റിക്കി പോണ്ടിംഗ്

മറ്റൊരു ഇതിഹാസതാരം. ഓസ്‌ട്രേലിയന്‍ മുന്‍ ക്യാപ്റ്റന്‍ സാക്ഷാല്‍ റിക്കി പോണ്ടിംഗ്. 30 സെഞ്ചുറികളുണ്ട് റിക്കിയുടെ പേരില്‍.

സനത് ജയസൂര്യ

ശ്രീലങ്കയുടെ വെടിക്കെട്ട് ബാറ്റ്‌സ്മാനും മുന്‍ ക്യാപ്റ്റനും. 28 സെഞ്ചുറികളാണ് സനത് ജയസൂര്യ അടിച്ചുകൂട്ടിയിട്ടുള്ളത്.

തൊട്ടുമുന്നില്‍ സങ്ക

കോലിയുടെ അടുത്ത ലക്ഷ്യം കുമാര്‍ സങ്കക്കാരയുടെ 25 സെഞ്ചുറികള്‍ ആണ്. മുന്നിലുള്ള ഇവരെല്ലാവരും വിരമിച്ചുകഴിഞ്ഞു എന്നത് കോലിയുടെ ടെന്‍ഷന്‍ കുറക്കുന്നു.

പിന്നിലായത് ദാദ

സച്ചിന് പിന്നില്‍ ഇന്ത്യക്കാരിലെ സെഞ്ചുറി വീരന്മാരില്‍ രണ്ടാമനായിരുന്നു ദാദ. ഇനി ഈ റെക്കോര്‍ഡും ഗാംഗുലിക്ക് നഷ്ടം. 22 സെഞ്ചുറികളാണ് ഗാംഗുലിയുടെ പേരില്‍ ഉള്ളത്.