നാട്ടിലേക്ക് മടങ്ങിയാല് ഒറ്റക്കാകില്ല
ക്യാപ്റ്റനെ പുറത്താക്കണമെന്ന ആവശ്യം ചിലര് ഉന്നയിക്കുന്നു. എന്നാല്, നാട്ടിലേക്ക് മടങ്ങേണ്ടിവന്നാല് താന് ഒറ്റയ്ക്കായിരിക്കില്ലെന്ന മുന്നറിയിപ്പുമായി രംഗത്തെത്തിയിരിക്കുകയാണ് പാക് ക്യാപ്റ്റന് സര്ഫ്രാസ് അഹമ്മദ്. ടീമില് ഏറ്റവും കൂടുതല് ആരോപണത്തിന് വിധേയനായതോടെയാണ് ക്യാപ്റ്റന് പരാജയത്തില് മറ്റുള്ളവര്ക്കും പങ്കുണ്ടെന്ന സൂചനയുമായി എത്തിയിരിക്കുന്നത്.
തിരിച്ചുവരുമെന്ന് സര്ഫ്രാസ്
ഞാന് നാട്ടിലേക്ക് പോകുമെന്ന് ആരെങ്കിലും കരുതുന്നുണ്ടെങ്കില് അത് അവരുടെ ബുദ്ധിശൂന്യതയാണെന്നേ ഞാന് കരുതുന്നുള്ളൂ. അതേസമയം, നിര്ഭാഗ്യം പിന്തുടരുകയാണെങ്കില് താന് മാത്രമല്ല നാട്ടിലേക്ക് മടങ്ങുകയെന്നും ഒരു അഭിമുഖത്തില് സര്ഫ്രാസ് മുന്നറിയിപ്പു നല്കി. ശേഷിക്കുന്ന മത്സരങ്ങളില് ഉണര്വോടെ കളിക്കാന് ക്യാപ്റ്റന് ടീം അംഗങ്ങളോട് ആവശ്യപ്പെടുകയും ചെയ്തു.
സെമി സാധ്യത കടുപ്പമാകും
ലോകകപ്പില് പാക്കിസ്ഥാന് സെമി ഉറപ്പിക്കണമെങ്കില് കൂടുതല് ടീമുകളോട് ജയിക്കേണ്ടതുണ്ട്. ജൂണ് 23ന് സൗത്ത് ആഫ്രിക്കയുമായാണ് അടുത്ത മത്സരം. ന്യൂസിലന്ഡ്, ബംഗ്ലാദേശ് ടീമുകളുമായും ഇനി കളിക്കേണ്ടതുള്ളതിനാല് കടുത്ത പോരാട്ടം നടത്താതെ ടീമിന് തിരിച്ചുവരാനാകില്ല. ആദ്യ മത്സരത്തില് വെസ്റ്റിന്ഡീസിനോട് തകര്ന്ന പാക്കിസ്ഥാന് പിന്നീട് ഇംഗ്ലണ്ടിനെ തോല്പ്പിച്ച കളിയാണ് ടീമില് നിന്നും ആരാധകര് പ്രതീക്ഷിക്കുന്നത്.