വരാനിരിക്കുന്ന ഏഷ്യാ കപ്പിലും ടി20 ലോകകപ്പിലുമൊക്കെ ഫിനിഷറുടെ റോളില് ഡിക്കെ കളിക്കുമെന്നു ഉറപ്പായിക്കഴിഞ്ഞു. പക്ഷെ കാര്ത്തികിനെ മാത്രം ഫിനിഷറെന്നു വിശേഷിപ്പിക്കുന്നതിനോടു ഇന്ത്യയുടെ മുന് നായകനും മുഖ്യ സെലക്ടറുമായിരുന്ന കെ ശ്രീകാന്ത് യോജിക്കുന്നില്ല. ഫിനിഷറെന്നതിനു വേറെ നിര്വചനമാണ് അദ്ദേഹം നല്കിയിരിക്കുന്നത്.
സ്റ്റാര് സ്പോര്ട്സിന്റെ ഷോയില് സംസാരിക്കവെയായിരുന്നു ഫിനിഷര് എന്നതിനെക്കുറിച്ച് കെ ശ്രീകാന്ത് വിശദീകരിച്ചത്. നിങ്ങള് ഫിനിഷര് എന്നതുകൊണ്ട് എന്താണ് അര്ഥമാക്കുന്നത്? എന്ന ചോദ്യത്തിനു ശ്രീകാന്തിന്റെ മറുപടി ഇങ്ങനെയായിരുന്നു. എന്റെ ബുക്കില് ഫിനിഷറെന്നാല് എട്ടാമത്തെയോ, 12ാമത്തെയോ ഓവര് മുതല് ഇന്നിങ്സിന്റെ അവസാനം വരെ ബാറ്റ് ചെയ്ത് ഇന്ത്യയെ മല്സരം വിജയിപ്പിക്കാന് കഴിയുന്ന താരമാണ്. അവന് ആറാമത്തെയോ, എട്ടാമത്തെയോ ഓവര് മുതല് തന്നെ ബാറ്റിങ് തുടങ്ങും. പക്ഷെ എവിടെയാണ് മികച്ച ഫിനിഷര്?
ഏഷ്യാ കപ്പ് ടീം തന്നെയാവുമോ ടി20 ലോകകപ്പിന്? ആരൊക്കെ പുറത്താവും?
കെഎല് രാഹുല് നല്ലൊരു ഫിനിഷറാണ്. രോഹിത് ശര്മയും മിടുക്കനായ ഫിനിഷറാണ്. അവര് ടീമിനു വേണ്ടി ഓപ്പണ് ചെയ്ത് ഇന്നിങ്സ് തീരുന്നതുവരെ ബാറ്റിങ് തുടരാന് ശേഷിയുള്ളവരാണ്. അവസാനത്തെ അഞ്ചോവറില് മാത്രം ഒരാള് ബാറ്റ് ചെയ്താല് അയാളെ ഞാന് ഫിനിഷറെന്നു വിളിക്കില്ലെന്നും കെ ശ്രീകാന്ത് വിശദമാക്കി.
ദിനേശ് കാര്ത്തികിനെ ഞാന് നല്ലൊരു ഫിനിഷറെന്നു വിളിക്കും. പക്ഷെ യഥാര്ഥ ഫിനിഷര്മാര് സൂര്യകുമാര് യാദവിനെപ്പോലെയുള്ളവരാണ്. അദ്ദേഹം ഗംഭീര ഫിനിഷറാണ്. കൂടാതെ റിഷഭ് പന്തും മിടുക്കനായ ഫിനിഷറാണ്. മാത്രമല്ല ഹാര്ദിക് പാണ്ഡ്യയും നല്ലൊരു ഫിനിഷറാണെന്നും ശ്രീകാന്ത് കൂട്ടിച്ചേര്ത്തു.
വീഴ്ത്താന് കെണിയൊരുക്കി, അടിച്ച് സ്റ്റേഡിയത്തിനു പുറത്തിട്ട് വീരു! ലീ പറയുന്നു
മുന് ഇതിഹാസ നായകനും വിക്കറ്റ് കീപ്പറുമായ എംഎസ് ധോണിയായിരുന്നു നേരത്തേ ഇന്ത്യക്കു വേണ്ടി ഫിനിഷറുടെ റോളില് കസറിയിരുന്നത്. പക്ഷെ അദ്ദേഹത്തിന്റെ വിരമിക്കലിനു ശേഷം മികച്ചൊരു ഫിനിഷറെ കണ്ടെത്താനുള്ള ശ്രമത്തിലാണ് ടീം ഇന്ത്യ.
നിലവില് ടി20 ഫോര്മാറ്റില് മാത്രമാണ് ദിനേശ് കാര്ത്തികിനെ ഇന്ത്യ ഫിനിഷറാക്കിയിരിക്കുന്നത്. പക്ഷെ 37 കാരനായ താരത്തെ ടീമിനു ദീര്ഘകാലത്തേക്കു ഈ റോളില് പ്രതീക്ഷിക്കാനും കഴിയില്ല. ഒരുപക്ഷെ ടി20 ലോകകപ്പിനു ശേഷം ഡിക്കെ ക്രിക്കറ്റില് നിന്നും വിരമിക്കാനും സാധ്യതയുണ്ട്.