ഇന്ത്യയ്ക്കുവേണ്ടി കളിച്ചു
മാര്ട്ടിന് 1999 സപ്തംബര് മുതല് 2001 ഒക്ടോബര് വരെ ഇന്ത്യക്കു വേണ്ടി 10 ഏകദിനങ്ങളില് കളിച്ചിട്ടുണ്ട്. ആഭ്യന്തര ക്രിക്കറ്റിലാണ് താരം കൂടുതല് ശ്രദ്ധേയമായ പ്രകടനം നടത്തിയിട്ടുള്ളത്. റെയില്വേസിനും ബറോഡയ്ക്കും വേണ്ടി നിരവധി മല്സരങ്ങളില് മാര്ട്ടിന് കളിച്ചിട്ടുണ്ട്. 2000-01ല് ബറോഡയെ കന്നി രഞ്ജി ട്രോഫി കിരീടവിജയത്തിലേക്കു നയിച്ചത് മാര്ട്ടിനായിരുന്നു. അന്നു ഫൈനലില് റെയില്വേസിനെയാണ് മാര്ട്ടിന് ക്യാപ്റ്റനായ ബറോഡ തോല്പ്പിച്ചത്. 2009 ഡിസംബറിലാണ് അദ്ദേഹം അവസാനമായി ആഭ്യന്തര ക്രിക്കറ്റില് കളിച്ചത്.
പോലീസ് അറസ്റ്റിലായി
2011ല് മനുഷ്യക്കടത്തുമായി ബന്ധപ്പെട്ട് മാര്ട്ടിനെ ദില്ലി പോലീസ് അറസ്റ്റ് ചെയ്തിരുന്നു. പിന്നീട് ജാമ്യത്തിലിറങ്ങിയ മാര്ട്ടിന് ക്രിക്കറ്റിലേക്ക് വീണ്ടുമെത്തുകയായിരുന്നു. ഇത്തവണ പരിശീലകന്റെ കുപ്പായത്തിലായിരുന്നു അദ്ദേഹത്തിന്റെ മടങ്ങി വരവ്. ബറോഡയുടെ വ്യത്യസ്ത പ്രായത്തിലുള്ള ടീമുകളുടെ പരിശീലകനായി പ്രവര്ത്തിച്ചു വരികയായിരുന്നു മാര്ട്ടിന്.
ബിസിസിഐ സഹായം നല്കി
ചികില്സയുമായി ബന്ധപ്പെട്ടു വന് സാമ്പത്തിക ബാധ്യത വന്നതോടെയാണ് താരത്തിന്റെ കുടുംബം ബസിസിഐക്ക് കത്തു നല്കുന്നത്. ബിസിസിഐ ഉടന് തന്നെ അഞ്ചു ലക്ഷം രൂപ മാര്ട്ടിന്റെ കുടുംബത്തിന് കൈമാറിയിരുന്നു. ബറോഡ ക്രിക്കറ്റ് അസോസിയേഷന് മൂന്നു ലക്ഷവും നല്കി.