ഭോഗ്ലെയുടെ ട്വീറ്റ്
പൂനെയിലെ ഇന്ത്യന് വിജയത്തിനു ശേഷം ഭോഗ്ലെ ട്വിറ്ററിലാണ് ഇന്ത്യന് പര്യടനത്തെക്കുറിച്ച് ട്വീറ്റ് ചെയ്തത്. നാട്ടില് തുടര്ച്ചയായ 11ാം ടെസ്റ്റ് പരമ്പര വിജയത്തോടെ ലോക റെക്കോര്ഡ് കുറിച്ചിരിക്കുകയാണ് ഇന്ത്യ. എന്തുകൊണ്ടാണ് ഇന്ത്യന് ദൗത്യം ഏറ്റവും കടുപ്പമേറിയതായിരിക്കുമെന്ന് ഇതു കാണിച്ചു തരുന്നുവെന്നായിരുന്നു ഭോഗ്ലെ ട്വിറ്ററില് കുറിച്ചത്.
ഇതിനോടാണ് പീറ്റേഴ്സന് എതിര്പ്പ് പ്രകടിപ്പിച്ചത്. സുഹൃത്തെ, ഇത് അത്ര കടുപ്പമല്ലെന്നായിരുന്നു കെപി ട്വീറ്റ് ചെയ്തത്.
ഇംഗ്ലണ്ട് ടീമിനൊപ്പം
മറ്റേത് താരത്തേക്കാളും ഇന്ത്യന് പര്യടനത്തെക്കുറിച്ച് അഭിപ്രായപ്രകടനം നടത്താന് അര്ഹതയുള്ള താരം പീറ്റേഴ്സന് തന്നെയാണ്. അവസാനമായി ഇന്ത്യയില് ടെസ്റ്റ് പരമ്പര നേടിയ ടീമില് അംഗമായിരുന്നു അദ്ദേഹം. 2012ലെ ഇന്ത്യന് പര്യടനത്തില് ഇംഗ്ലണ്ട് ടെസ്റ്റ് പരമ്പര കൊയ്തപ്പോള് പീറ്റേഴ്സനും സംഘത്തിലുണ്ടായിരുന്നു. അന്നു 2-1നാണ് ഇംഗ്ലണ്ട് ടെസ്റ്റ് പരമ്പര കൈക്കലാക്കിയത്. ഇംഗ്ലണ്ടിന്റെ വിജയത്തില് പീറ്റേഴ്സന് നിര്ണായക പങ്കു വഹിക്കുകയും ചെയ്തിരുന്നു.
അനായാസ വിജയം
പൂനെ ടെസ്റ്റില് ദക്ഷിണാഫ്രിക്കയ്ക്കെതിരേ ഇന്നിങ്സിനും 137 റണ്സിനുമാണ് ഇന്ത്യ ജയം കൊയ്തത്. ആദ്യം ബാറ്റ് ചെയ്ത ഇന്ത്യ ഒന്നാമിന്നിങ്സില് 601 റണ്സ് വാരിക്കൂട്ടിയപ്പോള് ദക്ഷിണാഫ്രിക്കയുടെ മറുപടി 275ല് അവസാനിക്കുകയായിരുന്നു.
തുടര്ന്ന് ഫോളോഓണ് ചെയ്യപ്പെട്ട ദക്ഷിണാഫ്രിക്ക രണ്ടാമിന്നിങ്സില് ഇറങ്ങിയെങ്കിലും വെറും 189 റണ്സില് പുറത്താവുകയായിരുന്നു.