കളി തോറ്റതിന് ക്യുറേറ്ററെ അധിക്ഷേപിച്ച് ഇന്ത്യന്‍ ടീം ഡയറക്ടര്‍ രവിശാസ്ത്രി!

എപ്പോഴും പരാതിയാണല്ലോ

ട്വന്റി 20 പരമ്പര തോറ്റപ്പോള്‍ ഇന്ത്യന്‍ ടീമിന് അംപയറെ കുറിച്ചായിരുന്നു പരാതി. അതും സ്വന്തം രാജ്യക്കാരനായ അംപയറെ കുറിച്ച്. ധോണിയും ഇന്ത്യന്‍ ടീം മാനേജരും അംപയര്‍ക്കെതിരെ പരസ്യ പ്രസ്താവനകള്‍ നടത്തിയത് വലിയ നാണക്കേടിനാണ് വഴി വെച്ചത്.

ദക്ഷിണാഫ്രിക്ക പരാതി പറഞ്ഞില്ല

എന്നാല്‍ സന്ദര്‍ശക ടീമായിട്ടും പരാതികള്‍ പറയാതെ ദക്ഷിണാഫ്രിക്ക അവരുടെ നിലവാരം കാണിച്ചു. ഡിവില്ലിയേഴ്‌സ്, ബെഹര്‍ദീന്‍, ഡുപ്ലിസി തുടങ്ങിയവര്‍ക്ക് നേരെയുള്ള അംപയറുടെ പല തീരുമാനങ്ങളും സംശയം തോന്നിപ്പിക്കുന്നതായിരുന്നു ബെഹര്‍ദീനാകട്ടെ വൈഡ് ബോളിലാണ് ക്യാച്ച് വിധിച്ചത്.

ക്യുറേറ്റര്‍ക്കും കുറ്റം

മുംബൈ വാങ്കഡെയില്‍ ദക്ഷിണാഫ്രിക്ക 438 റണ്‍സാണ് അടിച്ചുകൂട്ടിയത്. എന്നാല്‍ ഈ ബാറ്റിംഗ് പിച്ച് ഇന്ത്യ ബാറ്റ് എടുത്തതും ബൗളിംഗ് പിച്ചായി. ഇന്ത്യ വെറും 224 റണ്‍സിനാണ് ഓളൗട്ടായത്. ഇതില്‍ ക്യുറേറ്റര്‍ എന്ത് പിഴച്ചു.

ഡയറക്ടറല്ലേ

മാന്യന്മാരുടെ കളി എന്ന് പേരെയുള്ളു. ഇന്ത്യന്‍ ക്യാപ്റ്റനും കളിക്കാരും ഗ്രൗണ്ടില്‍ നിയന്ത്രണം വിട്ട് പെരുമാറാന്‍ തുടങ്ങിയിട്ട് നാള് കുറച്ചായി. എന്നാല്‍ ടീം ഡയറക്ടറുടെ പോലെ ഉത്തരവാദിത്തപ്പെട്ട സ്ഥാനത്തിരിക്കുന്ന രവി ശാസ്ത്രി കൂടി ഈ നിലവാരത്തിലേക്ക് ഇറങ്ങിയാല്‍ എന്ത് ചെയ്യും

ബി സി സി ഐ അന്വേഷിക്കും

രവി ശാസ്ത്രി ക്യുറേറ്ററെ അധിക്ഷേപിച്ച സംഭവം അന്വേഷിക്കുമെന്ന് ബി സി സി ഐ സെക്രട്ടറി അനുരാഗ് താക്കൂര്‍ പറഞ്ഞു. കളിക്കാരനായാലും ടീം മാനേജ്‌മെന്റ് അംഗമായാലും ബോര്‍ഡിന് ഇക്കാര്യത്തില്‍ ഒരേ സമീപനമായിരിക്കുമെന്നും താക്കൂര്‍ പറഞ്ഞു