Click it and Unblock the Notifications
പവാര് വീണ്ടും വന്നേക്കും
മിതാലിയുമായുള്ള ഉടക്കിന്റെ പേരില് വാര്ത്തകളില് നിറഞ്ഞ പവാര് അന്തിമ ലിസ്റ്റില് ഇടം പിടിച്ചുവെന്നതാണ് ശ്രദ്ധേയം. ഇന്ത്യന് പുരുഷ ടീമിനെ 2011ലെ ഏകദിന ലോകകപ്പില് ജേതാക്കളാക്കിയ ദക്ഷിണാഫ്രിക്കയുടെ ഗാരി കേസ്റ്റണ്, ദക്ഷിണാഫ്രിക്കയുടെ മുന് വെടിക്കെട്ട് ഓപ്പണറായിരുന്ന ഹെര്ഷലെ ഗിബ്സ് എന്നിവരാണ് സാധ്യതാ ലിസ്റ്റിലെ മറ്റു രണ്ടു പേര്.
പരിശീലകനെന്ന നിലയില് കഴിവ് തെളിയിച്ചയാളാണ് കേസ്റ്റണെങ്കില് ഈ റോളില് അനുഭവസമ്പ്ത്തില്ലാത്ത വ്യക്തിയാണ് ഗിബ്സ്. സമീപകാലത്തെ വിവാദങ്ങളുടെ പേരില് വിമര്ശന നേരിട്ട പവാറിനെ വീണ്ടും കോച്ചായി ബിസിസിഐ നിയമിക്കുമോയെന്ന ആശങ്കയിലാണ് മിതാലിയുടെ ആരാധകര്.
പ്രമുഖര് തഴയപ്പെട്ടു
വനിതാ ടീമിന്റെ പരിശീലകനാവാന് താല്പ്പര്യം പ്രകടനപ്പിച്ച് 28 പേരാണ് ബിസിസിഐയ്ക്കു അപേക്ഷ നല്കിയിരുന്നത്. ഇക്കൂട്ടത്തില് പരിശീലക റോളില് മികവ് തെളിയിച്ച പല പ്രമുഖരുമുണ്ടായിരുന്നു.
ലോക ക്രിക്കറ്റിലെ ഏറ്റവും മികച്ച കോച്ച്മാരില് ഒരാളും നിലവില് കേരളത്തിന്റെ പരിശീലകനുമായ ഡേവ് വാട്മോര്, ഓസ്ട്രേലിയയുടെ ബ്രാഡ് ഹോഗ്, ട്രെന്റ് ജോണ്സന്, ഒവെയ്സ് ഷാ എന്നിവരെല്ലാം തഴയപ്പെട്ട പ്രമുഖരുടെ നിരയിലുണ്ട്. ഇവരെക്കൂടാതെ ഇന്ത്യയുടെ വെങ്കിടേഷ് പ്രസാദ്, മനോജ് പ്രഭാകര്, ഡബ്ല്യുവി രാമന് എന്നിവരും തഴയപ്പെട്ടു.
അഭിമുഖം നടത്തും
വനിതാ ടീമിന്റെ കോച്ച് തിരഞ്ഞെടുപ്പുമായി ബന്ധപ്പെട്ട് മൂന്നു പേരുള്പ്പെടുന്ന പ്രത്യേക മിതിയെ ബിസിസിഐ നിയമിച്ചിരുന്നു. കപില് ദേവ്, അന്ഷുമാന് ഗെയ്ക്ക്വാദ്, ശാന്ത രംഗസ്വാമി എന്നിവരാണ് കമ്മിറ്റിയുള്ളത്. അന്തിമ ലിസ്റ്റിലുള്ള മൂന്നു പേരുമായും അഭിമുഖം നടത്തിയ ശേഷമായിരിക്കും കമ്മിറ്റി പുതിയ കോച്ചിനെ തിരഞ്ഞെടുക്കുക.
നിലവില് ഐപിഎല് ടീമായ റോയല് ചാലഞ്ചേഴ്സ് ബാംഗ്ലൂരിന്റെ പരിശീലകന് കൂടിയാണ് കേസ്റ്റണ്. മാസങ്ങള്ക്കു മുമ്പാണ് കേസ്റ്റണ് ടീമിന്റെ കോച്ചായി സ്ഥാനമേറ്റെടുത്തത്.
Continue with Google