അമേരിക്കയുടെ വിവാദ പ്രസിഡന്റ് ഡൊണാള്ഡ് ട്രംപിനെപ്പോലെയാണ് കോലിയെന്നാണ് ഓസീസ് മാധ്യമങ്ങള് പരിഹസിച്ചത്. കായിക ലോകത്തെ ട്രംപാണ് കോലിയെന്നും അവര് വിശേഷിപ്പിച്ചു.
|
ബച്ചന്റെ ട്വീറ്റ് ഇങ്ങനെയായിരുന്നു- ഓസീസ് മാധ്യമങ്ങള് കോലിയെ ട്രംപെന്നു വിശേഷിപ്പിച്ചിരിക്കുന്നു. അദ്ദേഹം ഒരു വിന്നറാണെന്നും പ്രസിഡന്റാണെന്നും അംഗീകരിച്ച ഓസീസ് മാധ്യമങ്ങള്ക്കു നന്ദി പറയുന്നു.
റാഞ്ചിയില് നടന്ന ഇന്ത്യ-ഓസീസ് ടെസ്റ്റ് സമനിലയില് കലാശിച്ചതിനു പിറകെയാണ് ഓസീസ് മാധ്യമങ്ങള് കോലിയെ കടന്നാക്രമിച്ചത്. പ്രസിഡന്റ് ട്രംപിനെപ്പോലെയാണ് കോലിയുടെ പെരുമാറ്റം. തന്റെ മുഖത്തേറ്റ ചീമുട്ടയേറ് മറയ്ക്കാന് ശ്രമിക്കുന്നതുപോലെയാണ് മാധ്യമങ്ങളെ കുറ്റപ്പെടുത്താനാണ് കോലി ശ്രമിക്കുന്നതെന്നും ഡെയ്ലി ടെലിഗ്രാഫ് റിപ്പോര്ട്ട് ചെയ്തു.
ബംഗളൂരൂ ടെസ്റ്റിനിടെയാണ് ഇന്ത്യയുടെയും ഓസീസിന്റെയും താരങ്ങള് തമ്മിലുള്ള ബന്ധത്തില് വിള്ളലേറ്റത്. അംപയര് ഔട്ട് വിധിച്ചപ്പോള് ഡ്രസിങ് റൂമിനു നേരെ തിരിഞ്ഞ് ഓസീസ് ക്യാപ്റ്റന് സ്റ്റീവ് സ്മിത്ത് അഭിപ്രായം തേടിയതോടെയാണ് വിവാദങ്ങള്ക്കു തുടക്കമിട്ടത്.