Click it and Unblock the Notifications
ഇന്ത്യന്‍ ക്യാപ്റ്റന്‍ വിരാട് കോലി, വൈസ് ക്യാപ്റ്റന്‍ രോഹിത് ശര്‍മ, മുന്‍ ഇതിഹാസ നായകന്‍ എംഎസ് ധോണി, ഓള്‍റൗണ്ടര്‍ ഹാര്‍ദിക് പാണ്ഡ്യ, പേസര് ജസ്പ്രീത് ബുംറ, സ്പിന്നര്‍ കുല്‍ദീപ് യാദവ് എന്നിവരെയാണ് ഇന്ത്യയില്‍ നിന്നും ബാബര്‍ തന്റെ ഇലവനിലേക്കു പരിഗണിച്ചത്.
ടി20 ഇലവനില്‍ രോഹിത്തിന്റെ ഓപ്പണിങ് പങ്കാളിയും ബാബറാണ്. നിലവില്‍ ഐസിസിയുടെ ടി20 ബാറ്റ്‌സ്മാന്മാരുടെ റാങ്കിങില്‍ തലപ്പത്തുള്ള താരം കൂടിയാണ് അദ്ദേഹം.
കോലിക്കു തന്റെ ഫേവറിറ്റ് ബാറ്റിങ് പൊസിഷനായ മൂന്നാം നമ്പര്‍ തന്നെയാണ് ബാബര്‍ നല്‍കിയിരിക്കുന്നത്. നാലാംസ്ഥാനത്ത് ഇറങ്ങുക പാകിസ്താന്റെ മുന്‍ നായകനും സ്റ്റാര്‍ ഓള്‍റൗണ്ടറുമായ ഷുഐബ് മാലിക്കാണ്.
ഇലവന്റെ വിക്കറ്റ് കീപ്പര്‍ കൂടിയായ ധോണിയാണ് അഞ്ചാം നമ്പറില്‍ ബാറ്റ് ചെയ്യാനിറങ്ങുക. തൊട്ടുപിറകെ ഹാര്‍ദിക് കളിക്കും.
ബൗളിങില്‍ പാകിസ്താന്റെ ഓള്‍റൗണ്ടര്‍ കൂടിയായ ഷതാബ് ഖാനും ഇന്ത്യയുടെ കുല്‍ദീപ് യാദവും ചേര്‍ന്നായിരിക്കും സ്പിന്‍ ബൗളിങിന് ചുക്കാന്‍ പിടിക്കുക. മൂര്‍ച്ചയേറിയ പേസ് ബൗളിങ് നിരയാണ് ഇലവനുള്ളത്.
പാകിസ്താന്റെ സ്റ്റാര്‍ പേസര് മുഹമ്മദ് ആമിര്‍ നയിക്കുന്ന ബൗളിങ് നിരയില്‍ ബുംറയെക്കൂടാതെ പാകിസ്താന്റെ പുതിയ പേസ് കണ്ടു പിടുത്തമായ ഷഹീന്‍ അഫ്രീഡിയുമുണ്ട്.
ഇന്ത്യ-പാക് ടി20 ഇലവന്‍
രോഹിത് ശര്‍മ (ഇന്ത്യ), ബാബര്‍ ആസം (പാകിസ്താന്‍), വിരാട് കോലി (ഇന്ത്യ), ഷുഐബ് മാലിക്ക് (പാകിസ്താന്‍), എംഎസ് ധോണി (വിക്കറ്റ് കീപ്പര്‍), ഹാര്‍ദിക് പാണ്ഡ്യ (ഇന്ത്യ), ഷതാബ് ഖാന്‍ (പാകിസ്താന്‍), കുല്‍ദീപ് യാദവ് (ഇന്ത്യ), ഷഹീന്‍ അഫ്രീഡി, മുഹമ്മദ് ആമിര്‍ (പാകിസ്താന്‍), ജസ്പ്രീത് ബുംറ (ഇന്ത്യ).
