അതിവേഗം 13 സെഞ്ച്വറികള്
ഏകദിനത്തില് അതിവേഗത്തില് 13 സെഞ്ച്വറികള് കുറിച്ച ക്രിക്കറ്റ് താരമന്ന റെക്കോര്ഡിനാണ് ലാനിങ് അര്ഹയായത്. ഈ നേട്ടത്തിലെത്താന് താരത്തിനു വേണ്ടി വന്നത് വെറും 76 ഇന്നിങ്സുകളാണ്.
നേരത്തേ ഈ റെക്കോര്ഡ് ദക്ഷിണാഫ്രിക്കയുടെ മുന് ഓപ്പണര് ഹാഷിം അംലയുടെ പേരിലായിരുന്നു. 83 ഇന്നിങ്സുകളിലായിരുന്നു താരത്തിന്റെ നേട്ടം. 86 ഇന്നിങ്സുകളില് നിന്നും 13 സെഞ്ച്വറികളടിച്ച കോലിയായിരുന്നു രണ്ടാംസ്ഥാനത്ത്.
ഉജ്ജ്വല ബാറ്റിങ്
വിന്ഡീസിനെതിരായ മല്സരത്തില് 121 റണ്സെടുത്തതോടെയാണ് ലാനിങ് റെക്കോര്ഡ് പുസ്തകത്തില് തന്റെ പേരും കൂട്ടിച്ചേര്ത്തത്. അവരുടെ ഇന്നിങ്സില് 12 ബൗണ്ടറികളും നാലു സിക്സറുകളുമുള്പ്പെട്ടിരുന്നു. ലാനിങിനെക്കൂടാതെ സ്റ്റാര് ബാറ്റ്സ് വുമണായ അലീസ ഹീലിയും 122 റണ്സോടെ കളിയില് തിളങ്ങി. മല്സരത്തില് 178 റണ്സിനു വിന്ഡീസിനെ ഓസീസ് തകര്ത്തുവിടുകയും ചെയ്തു.
വനിതാ ക്രിക്കറ്റിലെ സൂപ്പര് താരം
വനിതാ ക്രിക്കറ്റില് നിലവിലെ സൂപ്പര് താരമാണ് ലാനിങ്. നിലവില് ഏറ്റവുമധികം ഏകദിന സെഞ്ച്വറികള് നേടിയ വനിതാ താരമെന്ന റെക്കോര്ഡ് ഇവരുടെ പേരിലാണ്. 107 ഏകദിനങ്ങളില് നിന്നും 3216 റണ്സ് ലാനിങ് നേടിക്കഴിഞ്ഞു. 13 സെഞ്ച്വറികള് കൂടാതെ 11 ഫിഫ്റ്റികളും ഇതില്പ്പെടുന്നു.