Click it and Unblock the Notifications
ഇന്ത്യയുടെ മുന്‍ സ്പിന്‍ മാന്ത്രികന്‍ ഹര്‍ഭജന്‍ സിങാണ് തനിക്കു ഏറ്റവും പ്രിയപ്പെട്ട ഇന്ത്യന്‍ ബൗളറെന്നു ഫിഞ്ച് വെളിപ്പെടുത്തി. നിങ്ങളുടെ ഫേവറിറ്റ് ഇന്ത്യന്‍ ബൗളര്‍ ആരെന്നായിരുന്നു ഫിഞ്ചിനോടുള്ള ചോദ്യം. കരിയറിലെ ഏറ്റവും മികച്ച ഫോമില്‍ നില്‍ക്കെ ഹര്‍ഭജന്‍ സിങിനെ ഏറെ ഇഷ്ടമായിരുന്നു, പ്രത്യേകിച്ചും സ്പിന്നിന് അനുകൂലമായ വിക്കറ്റുകളില്‍ എന്നായിരുന്നു ഫിഞ്ചിന്റെ മറുപടി.
കുഴപ്പിക്കുന്ന മറ്റൊരു ചോദ്യത്തിനും ഫിഞ്ച് ട്വിറ്ററിലൂടെ മറുപടി നല്‍കി. 2014ല്‍ നടന്ന എംസിസി vs ആര്‍ഒഡബ്ല്യു മല്‍സരത്തില്‍ ആര്‍ക്കൊപ്പം ബാറ്റ് ചെയ്യുന്നതാണ് കൂടുതല്‍ ആസ്വദിച്ചത്. ലാറയോ, ടെണ്ടുല്‍ക്കറോ എന്നായിരുന്നു ചോദ്യം. രണ്ടു പേരും എന്നായിരുന്നു ഫിഞ്ചിന്റെ മറുപടി. ലോര്‍ഡ്‌സില്‍ നടന്ന ചാരിറ്റി മല്‍സരത്തിലായിരുന്നു സച്ചിന്‍, ലാറ തുടങ്ങിയ ബാറ്റിങ് ഇതിഹാസങ്ങള്‍ക്കൊപ്പം ഫിഞ്ച് കളിച്ചത്.
തന്റെ സമകാലികരായ താരങ്ങള്‍ മുഴുവനും ക്രിക്കറ്റിനോടു വിട പറഞ്ഞെങ്കിലും ഹര്‍ഭജന്‍ ഇപ്പോഴും കളി തുടരുകയാണ്. ഐപിഎല്ലില്‍ ചെന്നൈ സൂപ്പര്‍ കിങ്‌സിന്റെ താരമാണ് 39 കാരനായ ഭാജി. ഇത്തവണ നടക്കാനിരിക്കുന്ന പുതിയ സീസണിലും അദ്ദേഹം ടീമിനൊപ്പമുണ്ട്. രഴിഞ്ഞ സീസണിലെ ഐപിഎല്ലില്‍ സിഎസ്‌കെയ്ക്കു വേണ്ടി 11 മല്‍സരങ്ങളില്‍ നിന്നും 16 വിക്കറ്റുകള്‍ ഹര്‍ഭജന്‍ വീഴ്ത്തിയിരുന്നു.
അന്താരാഷ്ട്ര ക്രിക്കറ്റില്‍ നിന്നും ഇപ്പോഴും ഭാജി വിരമിച്ചിട്ടില്ലെന്നതാണ് കൗതുകകരമായ കാര്യം. 2016ലാണ് അദ്ദേഹം അവസാനമായി ഇന്ത്യക്കായി പന്തെറിഞ്ഞത്.
