ബൗളിംഗില്‍ പുലിക്കുട്ടികള്‍, ബാറ്റിംഗില്‍ പൂച്ചക്കുട്ടികള്‍... പാവം യുഎഇ ബംഗ്ലാദേശിനോടും തോറ്റു!

മിതുന്‍ ടോപ് സ്‌കോറര്‍

ബംഗ്ലാദേശിന്റെ മുഹമ്മദ് മിതുനാണ് മത്സരത്തിലെ ടോപ് സ്‌കോറര്‍. 21 പന്തില്‍ 47 റണ്‍സ്. സൗമ്യ സര്‍ക്കാര്‍ 21 റണ്‍സെടുത്തു.

മഹമ്മദുള്ള രക്ഷിച്ചു

അവസാന ഓവറുകളില്‍ മഹമ്മദുള്ള നടത്തിയ കടന്നാക്രമണമാണ് ബംഗ്ലാദേശിനെ പൊരുതാനുള്ള സ്‌കോറില്‍ എത്തിച്ചത്. 27 പന്തിലായിരുന്നു മഹമ്മദുള്ളയുടെ 36 റണ്‍സ്. ഇരുപതാം ഓവറില്‍ മഹമ്മദുള്ള ഒറ്റയ്ക്ക് അടിച്ച 17 റണ്‍സ് ആണ് കളി തിരിച്ചത്. രണ്ട് വിക്കറ്റോടെ ബൗളിംഗിലും തിളങ്ങിയ മഹമ്മദുള്ളയാണ് മാന്‍ ഓഫ് ദ മാച്ച്.

ഷക്കീബ് ബാറ്റിംഗ് ഫോമൗട്ട്

ബംഗ്ലാദേശിന്റെ പ്രധാന താരം ഷക്കീബ് അല്‍ ഹസന്റെ ബാറ്റിംഗ് ഫോമൗട്ട് തുടരുന്നു. 13 റണ്‍സാണ് ഇന്നലത്തെ സമ്പാദ്യം. ബൗളിംഗില്‍ പക്ഷേ 2 വിക്കറ്റ് വീഴ്ത്തി

അച്ചടക്കമുള്ള ബൗളിംഗ്

മികച്ച ബൗളിംഗ് പ്രകടനമാണ് ബംഗ്ലാദേശ് പുറത്തെടുത്തത്. ക്യാപ്റ്റന്‍ മുര്‍ത്താസ, മുസ്താഫിസുര്‍ റഹ്മാന്‍, ഷക്കീബ്, മഹമ്മദുള്ള എന്നിവരെല്ലാം രണ്ട് വീതം വിക്കറ്റ് വീഴ്ത്തി.

യു എ ഇ ഇനി എങ്ങോട്ട്

ബാറ്റിംഗിലെ വീഴ്ചകളാണ് യു എ ഇയുടെ പ്രശ്‌നം. ഏത് ബാറ്റിംഗ് നിരയെയും തങ്ങള്‍ പിടിച്ചുകെട്ടുമെന്ന പ്രതീതി ബൗളിംഗില്‍ കൊണ്ടുവരാന്‍ അവര്‍ക്ക് കഴിഞ്ഞിട്ടുണ്ട്. ഇന്ത്യയ്ക്കും പാകിസ്താനും എതിരെയാണ് അവരുടെ ബാക്കിയുള്ള കളികള്‍.