അട്ടിമറി, പാകിസ്താന്‍ പുറത്ത്: ഏഷ്യാകപ്പില്‍ ബംഗ്ലാദേശ് - ഇന്ത്യ ഫൈനല്‍!

അല്‍ അമീന്‍ തകര്‍ക്കുന്നു

ആദ്യം ബാറ്റ് ചെയ്ത പാകിസ്താനെ റണ്ണെടുക്കാന്‍ വിടാതെ ശരിക്കും കെട്ടിയിട്ടു ബംഗ്ലാ ബൗളര്‍മാര്‍. ഒമ്പതാമത്തെ ഓവറില്‍ നാലാമനായി ഉമര്‍ അക്മല്‍ പുറത്താകുമ്പോള്‍ പാകിസ്താന്റെ സ്‌കോര്‍ വെറും 28 റണ്‍സ്.

രക്ഷിച്ചത് സര്‍ഫ്രാസ്

42 പന്തില്‍ 5 ഫോറും രണ്ട് സിക്‌സും സഹിതം 58 റണ്‍സെടുത്ത് സര്‍ഫ്രാസ് അഹമ്മദിന്റെ ബാറ്റിംഗ് കൂടി ഇല്ലായിരുന്നെങ്കില്‍ പാകിസ്താന്‍ 129 റണ്‍സിലും എത്തില്ലായിരുന്നു.

മാലിക്കിന്റെ പിന്തുണ

41 റണ്‍സുമായി ഷോയിബ് മാലിക് സര്‍ഫ്രാസിന് നല്ല പിന്തുണ നല്‍കി. 8.2 ഓവറില്‍ ഈ കൂട്ടുകെട്ട് ചേര്‍ത്ത 70 റണ്‍സാണ് പാക് ഇന്നിംഗ്‌സിന്റെ കാതല്‍

ഈ പരാജയം പണിയായി

എന്നാല്‍ മാലിക്കിന് പിന്നാലെ എത്തിയ ഷാഹിദ് അഫ്രീദി റണ്‍സെടുക്കാതെ പുറത്തായത് പാകിസ്താന് വീണ്ടും തിരിച്ചടിയായി. അല്ലായിരുന്നെങ്കില്‍ കുറച്ചുകൂടി ഭേദപ്പെട്ട സ്‌കോറിലെത്താന്‍ പാകിസ്താന് കഴിഞ്ഞേനെ.

എല്ലാം സര്‍ക്കാര്‍

48 റണ്‍സെടുത്ത് സൗമ്യ സര്‍ക്കാറാണ് ബംഗ്ലാദേശിന്റെ മറുപടി നയിച്ചത്. ഒരു പന്തിന് 1 റണ്‍ നിരക്കിലായിരുന്നു സര്‍ക്കാരിന്റെ ബാറ്റിംഗ്. മാന്‍ ഓഫ് ദ മാച്ചും സര്‍ക്കാര്‍ തന്നെ.

ആമിര്‍ വീണ്ടും

ഇന്ത്യയ്‌ക്കെതിരെ മൂന്ന് വിക്കറ്റുമായി തിളങ്ങിയ മുഹമ്മദ് ആമിര്‍ രണ്ട് വിക്കറ്റോടെ ബംഗ്ലാദേശിനെയും ഞെട്ടിച്ചു. പക്ഷേ പാകിസ്താന് ജയിക്കാന്‍ അത് മതിയായിരുന്നില്ല എന്ന് മാത്രം

മഹമ്മദുള്ള

ബംഗ്ലാദേശിന് വേണ്ടി വിജയറണ്‍ നേടിയ മഹമ്മദുള്ളയുടെ സന്തോഷം

ആവേശം വാനോളം

പാകിസ്താനെ തോല്‍പിച്ച് ഫൈനലില്‍ പ്രവേശിച്ച ബംഗ്ലാദേശ് ടീമിന്റെ ആവേശം